Levitikus 12:2 - An Bibel Kernewek 20234 (Kernewek Kemmyn)

² Kows orth mebyon Ysrael, ow leverel: Mar kwra benyn konsevya has ha dineythi flogh gorow, hi a vydh avlan seyth dydh; kepar hag yn dydhyow hy amseryow misyek y fydh hi avlan.

Levitikus 12:2 Iomraidhean Croise

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

2 Samuel 11:4

Ytho Davydh a dhannvonas kannasow dh'y hyrghes, ha hi a dheuth dhodho, hag ev a wrowedhas gensi. (Lemmyn yth esa hi ow purhe hy honan wosa hy amseryow.) Ena hi a dhehwelis dh'y chi.

Job 14:4

Piw a yll dri neppyth glan dhiworth neppyth mostys? Denvyth.

Job 15:14

Pyth yw mab-den, may hyll bos glan? po ev neb yw dineythys a venyn, may hyll bos gwiryon?

Job 25:4

Fatell yll den bos gwiryon a-rag Duw? Fatell yll den dineythys a venyn bos glan?

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Levitikus 12:1

An Arloedh a gewsis orth Moyses, ow leverel:

Levitikus 12:5

Mes mar kwra hi dineythi flogh benow, avlan vydh diw seythun kepar hag yn hy amseryow misyek, ha hi a bes hwegh dydh ha tri-ugens yn goes hy glanheans.

Levitikus 15:19

Benyn mars eus dhedhi dyllans goes a'y horf, hi a vydh diberthys seyth dydh, ha piwpynag a's tocchyo a vydh avlan bys y'n gorthugher.

Levitikus 18:19

Ny wredh dos nes dhe venyn dhe dhiskudha hy noethedh, ha hi diberthys drefenn hy avlander misyek.

Levitikus 5:3

Po mar toch den a vo avlan, pypynag a wrello an den dhe vos avlan, ha henn yw kelys dhiworto, pan y'n goer, kablus vydh.

Luk 2:22

Ha pan veu kowlwrys dydhyow aga glanheans herwydh lagha Moyses, i a'n dros yn-bann dhe Yerusalem rag y brofya dhe'n Arloedh,