Levitikus 11:29 - An Bibel Kernewek 20234 (Kernewek Kemmyn)

²⁹ An re ma yw avlan dhywgh hwi yn mysk kreaturs owth hesya, a hes war an dor: an wodh, ha'n logosenn ha'n bedresyf veur a bub eghenn,

Levitikus 11:29 Iomraidhean Croise

Jenesis 1:20

Hag yn-medh Duw, ‘Re dhrollo an dowr yn-mes hesow a greaturs bew, hag ydhyn ow nija a-ugh an nor war enep fyrmament an nev.’

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Lavarow Koth 30:28

y hyllir synsi pedresyf y'n dorn, byttegyns kevys yw yn palesyow myghternedh.

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Levitikus 11:28

Ha neb a dhokko an korf anedha a wolgh y dhillas ha bos avlan bys y'n gorthugher. Avlan yns dhywgh.

Levitikus 11:30

ha'n gekko ha'n bedresyf vrygh, ha'n bedrevan, ha'n bedrevan dewes ha'n kameleon.

Haggay 2:6

Rag yndella yn-medh Arloedh an luyow: torn arall, pols byghan, ha my a wra an nevow ha'n norvys dhe grena, ha'n mor ha'n tir sygh.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Yowann 6:26

Yesu a worthybis dhedha ha leverel, ‘Yn hwir, yn hwir y lavarav dhywgh, ny'm hwilowgh drefenn hwi dhe weles toknys, mes drefenn hwi dhe dhybri a'n torthow ha bos lenwys.

Yowann 6:66

Alena rag lies a'y dhyskyblon eth war-dhelergh, ha ny gerdhens ganso namoy.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’