Levitikus 11:24 - An Bibel Kernewek 20234 (Kernewek Kemmyn)

²⁴ Ha der an re ma hwi a vydh avlan: neb a docchyo korf onan anedha a vydh avlan bys y'n gorthugher.

Levitikus 11:24 Iomraidhean Croise

Ysay 22:14

Arloedh an luyow re dhiskudhas hemma y'm diwskovarn: Yn tevri ny vydh prenedh dhywgh rag an anewnder ma erna verwowgh, yn-medh an Arloedh, Duw an luyow.

Levitikus 11:23

Mes pup-tra arall owth hesya hag ow nija hag a bedrevan, ha dhodho peswar troes, yw pyth kasadow dhywgh.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 11:31

Avlan dhywgh yw an re ma yn mysk oll an re a hes; piwpynag a's tocchyo hag i marow a vydh avlan bys y'n gorthugher.

Levitikus 11:8

Ny wrewgh hwi dybri aga hig, na tochya aga horf; avlan dhywgh yns i.

Levitikus 14:46

Nebonan a dheu a-berth y'n chi hag ev deges a vydh avlan bys y'n gorthugher;

Levitikus 15:10

Ha piwpynag a docchyo neppyth esa yn-danno a vydh avlan bys y'n gorthugher; hag ev neb a dheg an taklow na a wolgh y dhillas hag omvadhya yn dowr ha pesya avlan bys y'n gorthugher.

Levitikus 15:11

Ha piwpynag a wrello ev neb a'n jeves an sygerans y dochya, ha ny wolghas y dhiwleuv yn dowr, a wolgh y dhillas, hag omvadhya yn dowr, ha pesya avlan bys y'n gorthugher.

Levitikus 15:15

Ha'n oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.

Levitikus 15:21

Ha piwpynag a docchyo hy gweli a wolgh y dhillas hag omvadhya yn dowr, ha pesya avlan bys y'n gorthugher.

Levitikus 15:22

Ha piwpynag a docchyo neppyth mayth esedhas warnodho a wolgh y dhillas hag omvadhya yn dowr, ha pesya avlan bys y'n gorthugher.

Levitikus 15:23

Ha mars usi war hy gweli po neppyth mayth esedh warnodho, pan y'n toch, avlan vydh bys y'n gorthugher.

Levitikus 15:27

Ha piwpynag a docchyo an taklow na a vydh avlan, ha golghi y dhillas hag omvadhya yn dowr, ha pesya avlan bys y'n gorthugher.

Levitikus 15:5

Ha piwpynag a docchyo y weli a wolgh y dhillas hag omvadhya yn dowr ha pesya avlan bys y'n gorthugher.

Levitikus 15:6

Ha neb a esettho war neb tra mayth esedhas warnodho neb a'n jeves an sygerans a wolgh y dhillas hag omvadhya yn dowr, ha pesya avlan bys y'n gorthugher.

Levitikus 15:7

Ha neb a docchyo an kig anodho ev neb a'n jeves an sygerans a wolgh y dhillas hag omvadhya yn dowr ha pesya avlan bys y'n gorthugher.

Levitikus 15:8

Ha mar trew neb a'n jeves an sygerans war nebonan yw glan, ev a wolgh y dhillas hag omvadhya yn dowr ha pesya avlan bys y'n gorthugher.

Levitikus 16:26

Hag ev neb a liver an bogh avel bogh-diank a wolgh y dhillas ha badhya y gig yn dowr ha wosa henna ev a dheu a-ji dhe'n kamp.

Levitikus 16:28

Hag ev neb a's lesk a wolgh y dhillas ha badhya y gig yn dowr, ha wosa henna ev a dheu a-ji dhe'n kamp.

Levitikus 22:4

Piwpynag a has Aron a vo klavorek, po mayth eus dhodho sygerans ny wra dybri a'n taklow sans erna vo glan. Ha piwpynag a docchyo neppyth re dheuth ha bos avlan dre gorf marow, po gour re gavas dyllans has,

Levitikus 22:5

po piwpynag a docchyo tra owth hesya a wrello dhodho bos avlan, po den a wrello dhodho bos avlan, pypynag a vo an avlander usi dhodho:

Levitikus 22:6

neb a docchyo tra a'n par ma a vydh avlan bys y'n gorthugher, ha ny wra dybri a'n taklow sans marnas ev a wolgh y gig gans dowr.

Levitikus 5:2

Po mar toch den neppyth avlan, korf best gwyls avlan, korf chatel avlan, po korfow pryves owth hesya a vo avlan, hwath mars yw an dra kelys dhiworto, ev yw avlan, ha kablus.

Levitikus 7:21

Ha mar tocchyo nebonan tra avlan pynag, kepar ha den a vo avlan po best avlan po neppyth kasadow a vo avlan, ha dybri kig sakrifis an offrynnow kres a bew an Arloedh, an den na a vydh treghys dhe-ves dhiworth y bobel.

Niverow 19:7

Ena an oferyas a wra golghi y dhillas ha badhya y gorf yn dowr, hag a-wosa ev a yll dos y'n kamp; ha'n oferyas a vydh avlan bys y'n gorthugher.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

Kolossianys 2:20

Mar kwrussowgh merwel gans Krist dhiworth elvennow an bys, prag yth owgh hwi gostydh dhe rewlys, kepar ha pan vewgh ow pewa y'n bys?

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.