Levitikus 11:2 - An Bibel Kernewek 20234 (Kernewek Kemmyn)

² Kewsewgh orth mebyon Ysrael, ow leverel: An re ma yw an kreaturs a wrewgh hwi aga dybri yn mysk oll an bestes war an nor:

Levitikus 11:2 Iomraidhean Croise

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Daniel 1:8

Mes Daniel a erviras yn y golonn na omdhefolsa gans boes an myghtern, na gans an gwin a wre y eva; ytho ev a wovynnas kummyas dhiworth penn an spadhesigyon ma na omdhefolla.

Levitikus 11:1

An Arloedh a gewsis orth Moyses hag Aron, ow leverel dhedha,

Levitikus 11:11

I a vydh pyth kasadow dhywgh; ny wrewgh hwi dybri a'ga hig, ha hwi a syns aga horfow dhe vos pyth kasadow.

Levitikus 11:13

Ha'n re ma a vydh pyth kasadow dhywgh yn mysk an ydhyn. Ny vydhons dybrys; pyth kasadow yns i: an er, an vultur barvus hag er an mor,

Levitikus 11:21

Byttegyns, hwi a yll dybri pup-tra owth hesya hag ow nija hag a bedrevan war beswar troes, a's teves garrow a-ugh hy threys may hyll lemmel war an dor.

Levitikus 11:29

An re ma yw avlan dhywgh hwi yn mysk kreaturs owth hesya, a hes war an dor: an wodh, ha'n logosenn ha'n bedresyf veur a bub eghenn,

Levitikus 11:3

pypynag yw folsys y garn hag a dhaskni, yn mysk an bestes, henna hwi a dheber.

Levitikus 11:34

Pub boes a yll bos dybrys, ha warnodho dowr avlan a goedh a vydh avlan, ha pub lin a vo evys dhiworth lester a'n par ma a vydh avlan.

Levitikus 11:39

Ha mar merow neb best a yllowgh dybri, neb a dheppro rann a'y gorf a vydh avlan bys y'n gorthugher.

Levitikus 11:4

Byttegyns ny dhebrowgh an re ma a'n re a dhaskni, po a's teves folsys aga harn: an kowrvargh rag ev a dhaskni mes nyns yw folsys y garn; avlan dhywgh yw ev.

Levitikus 11:9

An re ma hwi a dheber, a bup-tra eus y'n dowrow, pypynag a'n jeffo eskelli-pysk po skans, y'n dowrow, y'n moryow hag yn avonyow. Hwi a dheber an re ma.

Matthew 15:11

Nyns yw an dra hag a wra mos a-bervedh y'n ganow a dhefol den, mes an dra hag a dheu yn-mes a'y anow – henna a wra defola den.’

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.