Levitikus 11:13 - An Bibel Kernewek 20234 (Kernewek Kemmyn)

¹³ Ha'n re ma a vydh pyth kasadow dhywgh yn mysk an ydhyn. Ny vydhons dybrys; pyth kasadow yns i: an er, an vultur barvus hag er an mor,

Levitikus 11:13 Iomraidhean Croise

Job 28:7

‘Ny aswonn edhen-breydh vyth an hyns na, ny'n gwelas lagas falghun.

Job 38:41

Piw a bareus an preydh rag an vran-vras, pan gri hy fleghes orth Duw, ha gwandra a-dro drefenn fowt a voes?

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Levitikus 11:11

I a vydh pyth kasadow dhywgh; ny wrewgh hwi dybri a'ga hig, ha hwi a syns aga horfow dhe vos pyth kasadow.

Levitikus 11:12

Pypynag na'n jeffo eskelli-pysk na skans y'n dowrow, henn yw pyth kasadow dhywgh.

Levitikus 11:14

an skowl rudh, ha'n skowles du a bub eghenn,

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Zekaria 5:9

Ena my a dhrehevis ow dewlagas ha mires, hag awotta diw venyn esa ow mos yn-mes, gans gwyns yn aga eskelli; rag y feu dhedha eskelli avel eskelli hwibon, hag i a dhrehevis an efa yntra nor ha nev.

Matthew 24:28

Pyle pynag a vo an korf marow, ena yth omguntell an eryon.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.