Levitikus 10:3 - An Bibel Kernewek 20234 (Kernewek Kemmyn)

³ Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 10:3 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Salmow 119:120

Ow hig a gren rag own ahanas, ha my a berth own a'th vreusow.

Salmow 148:14

Ev re dhrehevis korn rag y bobel, gormel rag oll y syns, rag mebyon Ysrael, pobel eus ogas dhodho. Gormelewgh an Arloedh.

Salmow 39:10

Kemmer dha strekys dhiworthiv; dre voemmenn dha leuv yth av vy dhe goll.

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 93:5

Dha dhustuniow, A Arloedh, yw fest sur; sansoleth a dhelledh dhe'th chi, A Arloedh, bynitha.

Eksodus 14:17

Ha my a galesha kolonn an Ejyptianys mayth ellons war aga lergh, ha my a gyv glori drefenn Faro hag oll y lu, y jarettow, ha'y varghogyon.

Eksodus 14:4

Ha my a wra kaleshe kolonn Faro, hag ev a wra aga siwya ha my a gyv glori drefenn Faro ha'y lu oll; ha'n Ejyptianys a woer my dhe vos an Arloedh.’ Hag yndella i a wrug.

Eksodus 19:22

Hag ynwedh gas dhe'n oferysi a dheu nes dhe'n Arloedh omsakra ma na dartho an Arloedh warnedha.’

Eksodus 19:24

Ha'n Arloedh a leveris dhodho, ‘Diyskynn, hag yskynn ow tri genes Aron; mes na as an oferysi ha'n bobel dhe stevya yn-bann dhe'n Arloedh ma na dartho er aga fynn.’

Eksodus 30:30

Ha ty a wra untya Aron ha'y vebyon, ha'ga sakra, ma'm serfyons avel oferysi.

Ysay 39:8

Yn-medh Hezekia dhe Ysay, ‘Da yw ger an Arloedh a gewssys.’ Rag ev a brederis, ‘Ytho y fydh kres ha sawder y'm dydhyow.’

Ysay 49:3

Hag y leveris dhymm, ‘Ow gwas yth os, Ysrael, may fydhav glorifiys ynno.’

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Ezekiel 40:46

ha'n hel a vir troha'n gogledh yw rag an oferysi mayth eus dhedha charj a'n alter; an re ma yw mebyon Sadok, an Levysi mayth eus dhedha kummyas dhe dhos nes dhe'n Arloedh.’

Ezekiel 42:13

Ena yn-medh ev dhymm, ‘Helyow an gogledh ha helyow an dyghow a-rag an garth yw helyow sans may hyll an oferysi dybri an taklow an moyha sans. Ena i a sett an taklow an moyha sans, an offrynn greun, an offrynn pegh ha'n offrynn kammweyth, rag an tyller yw sans.

Levitikus 21:15

ma na vo y has defolys yn mysk y bobel, rag my yw an Arloedh, neb a wra y sakra.

Levitikus 21:17

Kows orth Aron, ow leverel: Denvyth a'th has, der oll aga henedhow, neb a'n jeves namm, ny yll dos nes dhe offrynna bara y Dhuw.

Levitikus 21:21

Denvyth a has Aron an oferyas a'n jeves namm ny dheu nes dhe offrynna offrynnow an Arloedh gwrys dre dan. Yma namm dhodho; ytho ny dheu nes dhe offrynna bara y Dhuw;

Levitikus 21:6

I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Levitikus 21:8

Ytho, ty a'n sansha, rag ev a offrynn bara dha Dhuw. Sans vydh dhiso, rag sans ov vy, an Arloedh neb a'gas sansha.

Levitikus 22:9

Ytho, i a syns ow charj, na borthons pegh warnodho ha merwel dredho drefenn i dh'y dhefola. An Arloedh ov vy, neb a wra aga sanshe.

Levitikus 8:35

Ytho hwi a drig orth daras tylda an kuntelles dydh ha nos dres seyth dydh, hag gwitha charj an Arloedh ma na verwowgh, rag yndella yth yw erghys dhymm.’

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 20:12

Ha'n Arloedh a leveris dhe Moyses ha dhe Aron, ‘Drefenn na dres'sowgh ynnov, dhe'm sanshe yn lagasow mebyon Ysrael, rakhenna ny vydhowgh ow tri an gemmynieth ma y'n tir re res dhedha.’

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Yowann 12:28

A Das, gwra glorifia dha hanow.’ Ena lev a dheuth dhiworth nev, ‘My a'n glorifias, ha my a'n glorifi arta.’

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Dewteronomi 32:51

drefenn agas bos dislel dhymm yn mysk mebyon Ysrael orth dowrow Meriba-kadesh yn gwylvos Sin; drefenn na wrussowgh ow sanshe yn mysk mebyon Ysrael.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’

1 Samuel 6:20

Ha gwer Beth-shemesh a leveris, ‘Piw a yll sevel a-dherag an Arloedh, an Duw sans ma? Dhe biw a wra ev mos yn-bann a-dhiworthyn?’