Levitikus 1:9 - An Bibel Kernewek 20234 (Kernewek Kemmyn)

⁹ Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Levitikus 1:9 Iomraidhean Croise

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

1 Kroniklys 6:34

mab Elkana, mab Yeroham, mab Eliel, mab Toagh,

2 Kroniklys 4:6

Ev a wrug ynwedh deg golghell, hag a worras pymp a-gledh ha pymp a-dhyghow, rag golghi. Ynna i a wolghas daffar an offrynn leskys, mes an mor o rag an oferysi dhe omwolghi.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 66:15

My a brof dhis offrynnow leskys a enyvales peskys, gans ynkys hordhes; my a offrynn lodhnow gans gever. Sela.

Eksodus 12:9

Na dhybrewgh rann anodho kriv po bryjys yn dowr, mes rostys, y benn ha'y arrow ha'y bottys.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Eksodus 29:25

Ena ty a wra aga hemmeres dhiworth aga leuv, ha'ga leski war an alter war an offrynn leskys, avel sawer plegadow a-rag an Arloedh; yth yw offrynn dre dan dhe'n Arloedh.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 40:38

Yth esa hel gans hy daras ryb postow an yetow; ena i a wolghi an offrynn leskys.

Levitikus 1:13

Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:17

Ev a'n skward der an eskelli mes ny wra y ranna yn tien, ha'n oferyas a'n lesk war an alter, war an prenn usi war an tan. Sakrifis leskys yw, offrynn dre dan, sawer plegadow dhe'n Arloedh.

Levitikus 2:16

Ha'n oferyas a lesk rann govadh a'y vrunyon hag a'y oyl gans oll y frankynkys; offrynn dre dan dhe'n Arloedh.

Levitikus 2:2

Hag ev a'n dre dhe vebyon Aron, an oferysi, hag ev a gemmer dornas a'y vleus fin ha'y oyl gans oll y frankynkys, ha'n oferyas a lesk rann govadh anodho war an alter, offrynn dre dan, sawer plegadow dhe'n Arloedh.

Levitikus 2:9

Ha'n oferyas a gemmer rann govadh an offrynn greun ha'y leski war an alter, offrynn dre dan, sawer plegadow dhe'n Arloedh.

Levitikus 3:11

Ha'n oferyas a's lesk war an alter avel boes, offrynn dre dan dhe'n Arloedh.

Levitikus 3:5

Ha mebyon Aron a's lesk war an alter war an sakrifis leskys usi war an prenn usi war an tan. Offrynn dre dan yw, sawer plegadow dhe'n Arloedh.

Levitikus 4:31

Hag ev a gemmer dhe-ves oll y vlonek, dell yw an blonek kemmerys dhe-ves dhiworth sakrifis an offrynnow kres, ha'n oferyas a'n lesk war an alter, sawer plegadow dhe'n Arloedh, ha'n oferyas a wra dehwelyans ragdho, ha gevys vydh dhodho.

Levitikus 6:14

Hemm yw lagha an offrynn greun. Mebyon Aron a'n offrynn dherag an Arloedh dherag an alter.

Levitikus 8:21

Hag ev a wolghas an pottys ha'n garrow yn dowr, ha Moyses a loskas an hordh dien war an alter avel offrynn leskys, sawer plegadow, offrynn dre dan dhe'n Arloedh, dell erghis an Arloedh dhe Moyses.

Levitikus 8:28

Ha Moyses a's kemmeras dhiworth aga diwleuv ha'ga leski war an alter war an offrynn leskys. Offrynn urdhyans veu, sawer plegadow, offrynn dre dan dhe'n Arloedh.

Levitikus 9:14

Hag ev a wolghas an pottys ha'n garrow ha'ga leski war an offrynn leskys war an alter.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Niverow 15:3

hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Niverow 28:11

Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Niverow 28:7

Y offrynn diwes a vydh peswora rann a hin rag pub oen; y'n tyller sans ty a wra diveri offrynn diwes a dhiwes krev dhe'n Arloedh.

Niverow 28:8

An oen arall ty a wra offrynna gorthugherweyth; avel an offrynn greun y'n myttin, ha kepar ha'y offrynn diwes. Ty a'n offrynn avel offrynn dre dan, sawer plegadow dhe'n Arloedh.

2 Korinthianys 2:15

drefenn agan bos odour hweg Krist dhe Dhuw yn mysk an re ow pos selwys hag yn mysk an re usi ow mos dhe goll,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Dewteronomi 12:27

Ty a wra dha offrynnow leskys, an goes ha'n kig, war alter an Arloedh dha Dhuw; ha goes dha sakrifisow a vydh dinewys war alter an Arloedh dha Dhuw, mes an kig y tybrydh.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.