Levitikus 1:3 - An Bibel Kernewek 20234 (Kernewek Kemmyn)

³ Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 1:3 Iomraidhean Croise

Jenesis 22:13

Hag Abraham a dhrehevis y dhewlagas hag awotta, war y lergh hordh maglennys der y gern yn prysk, hag Abraham eth ha kemmeres an hordh ha'y offrynna avel offrynn leskys yn le y vab.

Jenesis 22:2

Hag yn-medh ev, ‘Kemmer dha vab, dha unn vab Ysak a gerydh, ha ke dhe bow Moria ha'y offra ena avel offrynn leskys war onan an menydhyow a lavarav dhis.’

Jenesis 22:8

Hag yn-medh Abraham, ‘Duw y honan a brovi an oen rag offrynn leskys, ow mab.’ Ytho i eth aga dew war-barth.

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

2 Kroniklys 29:32

Niver an offrynnow leskys dres gans an kuntelles o deg tarow ha tri ugens, kans hordh, ha dew kans oen; oll an re ma o rag offrynn leskys dhe'n Arloedh.

2 Kroniklys 35:12

I a worras dhe dhenewen an offrynnow leskys, rag ma's kevrennens herwydh bagasow a jiow tasow an bobel, rag offrynna dhe'n Arloedh, dell yw skrifys yn lyver Moyses. Hag i a wrug an keth tra gans an terewi.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Eksodus 12:5

Agas oen a vydh heb namm, gorow, unn bloedh; hwi a'n kemmer dhiworth an deves po dhiworth an gever;

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Eksodus 29:18

ha leski an hordh dien war an alter; yth yw offrynn leskys dhe'n Arloedh; yth yw sawer plegadow, offrynn dre dan dhe'n Arloedh.

Eksodus 29:4

Ty a dhre Aron ha'y vebyon dhe dharas tylda an kuntelles ha'ga golghi gans dowr.

Eksodus 29:42

Offrynn leskys y fydh heb hedhi der agas henedhow dhe dharas tylda an kuntelles a-rag an Arloedh, le may fetyav genes, dhe gewsel ena genes.

Eksodus 32:6

Hag i a sevis a-varr myttin a-varr, hag offrynna offrynnow leskys ha dri offrynnow kres; ha'n bobel a esedhas dhe dhybri hag eva, ha sevel dhe wari.

Eksodus 35:21

Hag y teuthons, pubonan kolonnek, ha pubonan gans spyrys bolonjedhek, ha dri offrynn an Arloedh rag ober tylda an kuntelles, ha rag oll y wonis, ha rag an gwiskasow sans.

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Eksodus 36:3

hag i a dhegemmeras dhiworth Moyses oll an offrynnow re dhrosa mebyon Ysrael yn ober servis an sentri. I a besyas dri offrynnow bolonjedhek pub myttin,

Eksodus 38:1

Ev a wrug an alter a offrynnow leskys ynwedh a brenn shittim; pymp kevelin o hy hys ha pymp kevelin hy les; pedrek o, ha tri hevelin o hy ughelder.

Ysay 1:11

Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Ezekiel 40:39

Yn portal an yet yth esa diw voes, onan yn pub tenewen, mayth esa ledhys an offrynnow leskys, an offrynnow pegh, ha'n offrynnow kammweyth.

Levitikus 1:10

Ha mars yw y offrynn a'n flokk, deves po gever, rag sakrifis leskys, ev a dhre best gorow heb namm.

Levitikus 14:10

Ha'n ethves dydh ev a gemmer dew oen heb namm hag unn oenes heb namm unn bloedh, ha teyr degves rann a efa a vleus fin kemmyskys gans oyl rag offrynn greun, hag unn log a oyl.

Levitikus 16:7

Hag ev a gemmer an dhew vogh ha'ga settya dherag an Arloedh orth daras tylda an kuntelles.

Levitikus 17:4

heb y dhri bys yn daras tylda an kuntelles dhe offrynna offrynn dhe'n Arloedh dherag tabernakel an Arloedh: goes a vydh reknys erbynn an gour na; an gour ma re skoellyas goes, hag ev a vydh treghys dhe-ves dhiworth y bobel.

Levitikus 17:8

Ha ty a lever dhedha: Piwpynag a ji Ysrael po a'n alyons trigys yn aga mysk a offrynno offrynn leskys po sakrifis

Levitikus 17:9

heb y dhri dhe dharas tylda an kuntelles, dh'y offrynna dhe'n Arloedh, an keth gour na a vydh treghys dhe-ves dhiworth y bobel.

Levitikus 23:12

Ha'n jydh may hwevyowgh an vanal, hwi a offrynn oen heb namm unn bloedh, rag offrynn leskys dhe'n Arloedh.

Levitikus 23:18

Ha gans an bara hwi a offrynn seyth oen heb namm unn bloedh, hag unn tarow yowynk, ha dew hordh. I a vydh offrynn leskys dhe'n Arloedh gans aga offrynn greun ha'ga offrynnow diwes, offrynn gwrys dre dan, sawer plegadow dhe'n Arloedh.

Levitikus 3:1

Ha mars yw y offrynn sakrifis a'n offrynn kres, mara'n dre a'n chatel, mars yw gorow po benow, ev a dhre best heb namm dherag an Arloedh.

Levitikus 4:15

Ha henavogyon an kuntelles a worr aga diwleuv war benn an lodhen dherag an Arloedh, ha'n tarow a vydh ledhys dherag an Arloedh.

Levitikus 4:23

po mar teu an pegh re beghas dh'y wodhvos, ev a dhre y offrynn, bogh, gorow heb namm,

Levitikus 4:3

mars yw an oferyas untys neb a begh, yndella ow kul an bobel dhe vos kablus, dres ev dhe'n Arloedh rag y begh re beghas tarow yowynk heb namm, rag offrynn pegh.

Levitikus 4:32

Ha mar tre oen avel offrynn pegh, ev a dhre onan benow heb namm.

Levitikus 5:15

Mar kwra nebonan neppyth dislel ha pegha heb y wodhvos yn taklow sans an Arloedh, ev a dhre y offrynn kammweyth dhe'n Arloedh, hordh heb namm a'n flokk, talvesys genes a dhew shekel arghans, war-lergh shekel an sentri, avel offrynn kammweyth.

Levitikus 5:18

Hag ev a dhre dhe'n oferyas hordh heb namm a'n flokk, talvesys genes a bris an offrynn kammweyth; ha'n oferyas a wra dehwelyans ragdho rag an pegh gwrys ganso heb y wodhvos, hag y fydh gevys dhodho.

Levitikus 6:2

Mar pegh den ha gul neppyth dislel erbynn an Arloedh, ow leverel gow dh'y hynsa a-dro dhe neppyth gesys dhodho dhe witha, po gorrys yn y jarj avel mewgh, po neppyth ledrys dre nerth, po mar arwaskas y hynsa,

Levitikus 6:8

Ha'n Arloedh a gewsis orth Moyses, ow leverel:

Levitikus 7:16

Mes mars yw sakrifis y offrynn der ambos po offrynn bolonjedhek, y fydh dybrys an keth jydh mayth offrynn y sakrifis, ha'n jydh a'y wosa y fydh dybrys an remenant anodho.

Levitikus 8:18

Hag ev a dhros hordh an offrynn leskys, hag Aron ha'y vebyon a worras aga diwleuv war benn an hordh.

Levitikus 8:21

Hag ev a wolghas an pottys ha'n garrow yn dowr, ha Moyses a loskas an hordh dien war an alter avel offrynn leskys, sawer plegadow, offrynn dre dan dhe'n Arloedh, dell erghis an Arloedh dhe Moyses.

Levitikus 9:2

Hag ev a leveris dhe Aron, ‘Kemmer leugh yowynk rag offrynn pegh ha hordh rag offrynn leskys, heb namm aga dew, ha'ga offrynna dherag an Arloedh.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Niverow 15:3

hag offrynna offrynn dre dan dhe'n Arloedh, offrynn leskys, po sakrifis dhe gollenwel ambos, po avel offrynn bolonjedhek a'n chatel po a'n flokk po orth agas goelyow apoyntys, rag gul sawer plegadow dhe'n Arloedh,

Niverow 15:8

Ha pan bareusydh tarow yowynk dhe'n offrynn leskys, po sakrifis rag kollenwel ambos, po rag offrynnow kres dhe'n Arloedh,

Niverow 19:2

Hemm yw ordenans an lagha re worhemmynnis an Arloedh: Kows dhe vebyon Ysrael may trollons dhywgh lejek rudh heb difyk na namm, ha warnedhi na dheuth bythkweth yew.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Niverow 23:27

Ha Balak a leveris dhe Balaam, ‘Deus lemmyn, my a'th kemmer dhe gen tyller; martesen y fydh plegadow dhe Dhuw ma's molletthi ragov alena.’

Niverow 23:3

Ha Balaam a leveris dhe Balak, ‘Sav ryb dha offrynn leskys, ha my a wra mos; martesen an Arloedh a dheu dhe vetya genev; ha pypynag y tispleg dhymm my a lever dhis.’ Hag ev eth dhe ugheldir moel.

Niverow 23:30

Ha Balak a wrug dell lavarsa Balaam, hag offrynna lodhen ha hordh war bub alter.

Niverow 28:11

Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Niverow 28:19

Hwi a offrynn offrynn dre dan, offrynn leskys dhe'n Arloedh: dew darow yowynk, unn hordh, ha seyth oen unn bloedh; i a vydh dhywgh heb namm;

Niverow 28:31

Ryb an offrynn leskys pub-dydhyek ha'y offrynn greun, hwi a's offrynn gans aga offrynnow diwes. I a vydh dhywgh heb namm.

Niverow 29:13

Hwi a wra offrynna offrynn leskys, offrynn dre dan, sawer plegadow dhe'n Arloedh, trydhek tarow yowynk, dew hordh, peswardhek oen unn bloedh; i a vydh heb namm,

Niverow 29:2

Hwi a wra offrynna offrynn leskys, sawer plegadow dhe'n Arloedh; unn tarow yowynk, unn hordh, seyth oen unn bloedh heb namm,

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Yowann 1:36

Hag ow mires orth Yesu ow kerdhes yn-medh ev, ‘Awotta Oen Duw!’

Yowann 10:7

Ena Yesu a leveris arta, ‘Yn hwir, yn hwir y lavarav dhywgh, my yw daras an deves.

Yowann 10:9

My yw an daras; piwpynag a dheffo a-ji dredhov vy, ev a vydh selwys, ha dos a-ji ha mos yn-mes a wra, ha kavoes peurva.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

2 Korinthianys 9:7

Res yw dhe bub huni ri an pyth a erviras yn y golonn, heb anvodh po heb bos ynniys: rag Duw a gar riyas lowenek.

Efesianys 2:18

rag bos fordh genen agan dew, dredho ev, der unn Spyrys, dhe'n Tas.

Efesianys 5:27

may proffya an eglos dhodho ev y honan, splann, heb brith na krygh, na travyth a'n par na, saw may fe hi sans ha dinamm.

Dewteronomi 12:27

Ty a wra dha offrynnow leskys, an goes ha'n kig, war alter an Arloedh dha Dhuw; ha goes dha sakrifisow a vydh dinewys war alter an Arloedh dha Dhuw, mes an kig y tybrydh.

Dewteronomi 15:21

Mars eus ynno namm, mars yw evredhek po dall, po neb drog namm arall, ny wredh y sakrifia dhe'n Arloedh dha Dhuw.

Dewteronomi 17:1

Ny sakrifiydh dhe'n Arloedh dha Dhuw ojyon po oen a'n jeves namm po neppyth drog, drefenn ev dhe vos pyth kasadow dhe'n Arloedh dha Dhuw.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.