Lavarow Koth 3:3 - An Bibel Kernewek 20234 (Kernewek Kemmyn)

³ Na as tregeredh ha gwirder dhe'th forsakya, kolm i a-dro dhe'th konna, skrif i war legh dha golonn.

Lavarow Koth 3:3 Iomraidhean Croise

2 Samuel 15:20

De y teuthys, ha hedhyw, a wrav vy ty dhe wandra a-dro genen, pan wrav vy mos plepynag mayth ylliv? Dehwel, ha kemmer dha vreder genes; ha re bo tregeredh ha lelder genowgh.’

Salmow 119:11

Dha lavarow re gudhis y'm kolonn, ma na begghiv er dha bynn.

Salmow 25:10

Oll hynsyow an Arloedh yw tregeredh ha gwirder, dhe'n re a with y gevambos ha'y dhustuniow.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Lavarow Koth 1:9

rag garlont teg yns i rag dha benn ha torgh rag dha gonna.

Lavarow Koth 14:22

An ny wandrons yn sowdhan an re a dhevis drog? An re hag a dhevis da a gyv tregeredh ha gwirder.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 20:28

Tregeredh ha gwirder a with an myghtern, ha'y dron yw mentenys gans tregeredh.

Lavarow Koth 6:21

Kolm i war dha golonn pup-prys; mayl i yn kyrghynn dha gonna.

Lavarow Koth 7:3

kolm i war dha vysies, skrif i war legh dha golonn.

Yeremia 17:1

Pegh Yuda yw skrifys gans toul-skrifa a horn, ha gans poynt a adamant gravys yw war legh aga holonn, ha war gern agas alteryow,

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Malaki 2:6

Lagha a wirder esa yn y anow, ha kammhynseth ny veu kevys war y dhiwweus. Ev a gerdhas genev yn kres hag ewnhynseth, ha treylya lies dhiworth pegh.

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

Efesianys 5:9

(rag yma frut an golow yn oll dader hag ewnder ha gwirder),

Dewteronomi 6:8

ha ty a's kelm avel tokyn war dha leuv, hag y fydhons soenelligow yntra dha dhewlagas.

Ebrowyon 10:16

‘Hemm yw an kevambos a wrav gansa wosa an dydhyow na, yn-medh an Arloedh; my a worr ow laghow yn aga holonn, ha'ga skrifa yn aga brys’,