Lavarow Koth 3:2 - An Bibel Kernewek 20234 (Kernewek Kemmyn)

² rag hirder a dhydhyow ha blydhynyow a vewnans ha kres a vydh keworrys dhis.

Lavarow Koth 3:2 Iomraidhean Croise

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

Job 5:26

Ty a dheu dhe'th vedh yn dha gothni, kepar dell dheu garr a reunenn war-vann yn hy seson.

Salmow 119:165

Kres meur a vydh dhe'n re a gar dha lagha, ha nyns eus travyth a wrello dhedha trebuchya.

Salmow 128:6

Ha ty a wel an fleghes a'th fleghes jy; kres war Ysrael.

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 91:16

Bewnans hir a rov dhodho, ha diskwedhes dhodho ow selwyans.

Lavarow Koth 10:27

Own an Arloedh a hirha bewnans, mes blydhynyow an debeles a vydh berr.

Lavarow Koth 16:31

Blew loes yw kurun a enor; kevys yw y'n fordh a ewnder.

Lavarow Koth 4:10

Klew, ow mab, ha degemmer ow geryow, may fo blydhynyow dha vewnans lies.

Lavarow Koth 4:4

ev a'm dyski hag a leveri dhymm, ‘Gas dhe'th kolonn synsi fast ow geryow; gwith ow gorhemmynnow, ha bewa.

Lavarow Koth 9:11

Rag genev vy dha dhydhyow a vydh lieshes, ha blydhynyow dha vewnans a vydh ynkressys.

Ysay 32:17

Ober gwiryonedh a vydh kres, ha siwyans ewnder a vydh kosoleth ha sawder bys vykken.

Romanyon 14:17

Rag nyns yw gwlaskor Duw dybri nag eva mes ewnder ha kres ha lowender y'n Spyrys Sans;

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 5:1

Rag a-ban on justifiys dre fydh, kres a'gan beus gans Duw der agan Arloedh Yesu Krist

Dewteronomi 11:21

rag mayth ynkressyo agas dydhyow ha dydhyow agas mebyon war an tir a dos an Arloedh dh'agas tasow y ri dhedha, kepar ha dydhyow an ebron a-ugh an norvys.

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.