Kynvannow 5:5 - An Bibel Kernewek 20234 (Kernewek Kemmyn)

⁵ An yew war agan konna yw poes warnan; ni a lavur, nyns eus dhyn powes vyth.

Kynvannow 5:5 Iomraidhean Croise

Yeremia 27:2

Yndellma y lever an Arloedh dhymm: Gwra dhis rawyow ha yewow, ha'ga gorra war dha gonna.

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 28:14

Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Oberow 15:10

Lemmyn, ytho, prag y prevowgh hwi Duw, ow korra war gonna an dhyskyblon yew na allas na'gan tasow na ni hy ferthi?

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.