Kynvannow 4:8 - An Bibel Kernewek 20234 (Kernewek Kemmyn)

⁸ Lemmyn moy du yw aga fas ages hylgedh, nyns yns i aswonnys y'n stretys. Aga kroghen a len orth aga eskern, ha gwedhrys yw kepar ha prenn.

Kynvannow 4:8 Iomraidhean Croise

Job 19:20

Ow eskern re lenas orth ow kroghen ha'm kig, my re skapyas gans kroghen ow dyns.

Job 2:12

Ha pan y'n gwelsons a-dhiworth pell, ny'n aswonnis hag i a ughelhas aga lev hag oela, hag i a skwardyas aga fows ha skattra doust war aga fenn troha nev.

Job 30:30

Ow kroghen a dhuha warnav, ha'm eskern a lesk gans fevyr.

Job 33:21

Y gig yw gwastys dhe-ves ma na yll bos gwelys; ha'y eskern, a veu anweladow kyns, yw lommhes.

Salmow 102:11

Ow dydhyow a leha kepar ha skeus, ha kepar ha gwels y hwedhrav.

Salmow 119:83

Rag desyghys ov vy avel botell yn mog; ny ankevis dha ordenansow

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 38:3

Nyns eus yeghes y'm kig drefenn dha sorr; ha nyns eus kres y'm eskern drefenn ow feghes.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Kynvannow 5:10

Agan kroghen yw poeth kepar ha forn drefenn poethvann divoetter.

Yoel 2:6

A-ragdha poblow a gren: oll an fasow a gyll aga liw.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Luk 10:11

“Hwath an doust a'gas sita hag a len orthyn, ni a'n shak dhe-ves er agas pynn; saw godhvydhewgh hemma, gwlaskor Duw re dheuth nes dhywgh.”