Kynvannow 4:2 - An Bibel Kernewek 20234 (Kernewek Kemmyn)

² Mebyon dhrudh Sion, talvedhys kepar hag owr fin – Ass yns i akontys kepar ha sethow pri, ober diwla priweythor!

Kynvannow 4:2 Iomraidhean Croise

Ysay 30:14

Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.

Ysay 51:18

Nyns eus denvyth dh'y hembronk yn mysk oll an vebyon re omdhuk; nyns eus denvyth dh'y synsi er an dhorn yn mysk oll an vebyon re vagas.

Yeremia 19:1

Yndellma y lever an Arloedh: Ke ha prena kostrel a bri dhiworth priweythor, ha kemmer genes re a henavogyon an bobel ha re a henavogyon an oferysi,

Yeremia 19:11

ha ty a lever dhedha: Yndellma y lever Arloedh an luyow: Yndellma my a derr an bobel ma ha'n sita ma, dell derrir lester an priweythor, ma na vo nevra ewnhes: hag i a's ynkleudh yn Tofeth bys pan na vydh tyller dhe ynkleudhyas.

Yeremia 22:28

Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Kynvannow 5:12

Pennsevigyon yw kregys der aga diwla; nyns yw fasow henavogyon enorys.

Hosea 8:8

Ysrael yw kollenkys; lemmyn yth yns i yn mysk an kenedhlow kepar ha lester diles.

Zekaria 9:13

My a wra plegya Yuda avel gwarak ha gorra Efraym ynni avel seth. My a dhifun dha vebyon, A Sion, erbynn dha vebyon, A Bow Grek, ha my re'th wrug avel kledha kasor.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

2 Timothi 2:20

Yn chi bras nyns eus lestri unnsel yn owr hag arghans, mes yn prenn ha pri ynwedh, an re na rag enor ha'n re ma rag disenor.