Kynvannow 4:16 - An Bibel Kernewek 20234 (Kernewek Kemmyn)

¹⁶ Fas an Arloedh re wrug aga skattra, ny vir orta namoy, ny enorsons fasow oferysi, ny faversons henavogyon.

Kynvannow 4:16 Iomraidhean Croise

Jenesis 49:7

Milliges re bo aga sorr, rag fell yw, ha'ga honnar, rag tynn yw. My a wra aga ranna yn Yakob ha'ga skattra yn Ysrael.

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

Salmow 106:27

dhe wul dh'aga has koedha yn mysk an kenedhlow, ha dh'aga skattra y'n broyow.

Salmow 106:44

Byttegyns ev a welas aga anken pan woslowas ev orth aga garm.

Ysay 24:2

Hag y fydh an keth tra rag an bobel ha'n oferyas, rag an gwas ha'n mester, rag an vaghteth ha'y mestres, rag an prener ha'n gwerther, rag an prester ha'n chevisyer, rag an kresysor ha'n kendoner.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 15:4

Ha my a wra dhedha bos euth rag oll gwlaskordhow an nor, drefenn Manasse mab Hezekia myghtern Yuda, rag an pyth a wrug ev yn Yerusalem.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 52:24

Kapten an withysi a gemmeras Seraya an pennoferyas, an nessa oferyas Sefania, ha'n tri gwithyas a'n treudhow;

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 2:6

Ev re ravnas y skovva kepar ha lowarth, ev re dhistruis y dabernakel; an Arloedh re wrug dhe woel ha sabot bos ankevys yn Sion, ha fell y sorr ev re dhispresyas myghtern hag oferyas.

Kynvannow 5:12

Pennsevigyon yw kregys der aga diwla; nyns yw fasow henavogyon enorys.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.