Kynvannow 4:11 - An Bibel Kernewek 20234 (Kernewek Kemmyn)

¹¹ An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Kynvannow 4:11 Iomraidhean Croise

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 21:14

Mes my a'gas kessydh herwydh frut agas gwriansow, yn-medh an Arloedh; ha my a enow tan yn y goeswik, hag a gowllesk pup-tra a-dro dhodho.

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Kynvannow 2:8

Ervirys yw an Arloedh dhe dhomhwel fos myrgh Sion; hag ev re ystynnas kordenn-vusura; ny dreylyas y leuv dhiworth distrui ha gul dhe skons ha fos kyni; gyllys gwann yns i war-barth.

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 36:18

Ytho my a dhiveris ow sorr warnedha rag an goes a skoellsens war an tir, ha rag aga idolys may hwrussens y dhefola dredha.

Ezekiel 6:12

Neb yw a-bell a verow der an plag, ha neb yw ogas a goedh der an kledha, ha neb yw gesys po gwithys a verow dre dhivoetter. Yndella my a gowlwra ow honnar warnedha.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Sefania 2:2

kyns an arghadow dhe vos dineythys, kyns an jydh dhe dremena avel kulyn, kyns sorr fers an Arloedh dhe dhos warnowgh, kyns dydh sorr an Arloedh dhe dhos warnowgh.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.