Kynvannow 4:1 - An Bibel Kernewek 20234 (Kernewek Kemmyn)

¹ Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Kynvannow 4:1 Iomraidhean Croise

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 14:12

Fatell osta koedhys dhiworth nev, A Vorlowenn, mab an bora! Ty re beu treghys dhe'n dor, neb a fethas kenedhlow.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Kynvannow 2:19

Yn-sol, kri nosweyth, yn dalleth an goelyow! Skoell dha golonn kepar ha dowr a-dherag fas an Arloedh! Drehav dha dhiwla dhodho a-barth enev dha fleghes, a glamder gans nown orth penn pub stret.

Ezekiel 22:18

Mab den, chi Ysrael re beu dhymm avel atal; i oll, brons, sten, horn, ha plomm a-berth yn forn. Atal arghans yns i.

Mika 1:6

Rakhenna y hwrav a Samaria karnedh y'n gwel, tyller rag plansa gwinbrennyer; ha my a dhinwa hy meyn y'n nans, ha diskudha hy selyow.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Mark 13:2

Ha Yesu a leveris dhodho, ‘A wel'ta jy an drehevyansow meur ma? Ny vydh gesys omma men war ven na vydh terrys dhe'n dor.’