Kynvannow 3:7 - An Bibel Kernewek 20234 (Kernewek Kemmyn)

⁷ Ev re'm keas ma na allav skapya, ev a'm beghyas gans kargharow poes.

Kynvannow 3:7 Iomraidhean Croise

Job 19:8

Ev re geas ow fordh ma na allav tremena, hag ev re settyas tewlder war ow hynsyow.

Job 3:23

Prag yth yw golow res dhe wour, kudhys y hyns, may hwrug Duw keas a-dro dhodho?

Salmow 88:8

Ty re bellhas dhiworthiv oll an re aswonnys genev; ty re'm gwrug kasadow dhedha. Prisonys yn fast ov vy, ma na allav diank;

Salmow 88:9

ow lagas a fyll dre dhuwon. A Arloedh, my a elwis warnas pub dydh, my re ystynnas ow diwleuv dhis.

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Yeremia 40:4

Lemmyn mir, my re'th rydhhas hedhyw a'n kadonyow war dha dhiwleuv. Mars yw da genes dos genev dhe Babylon, deus, ha my a'th with yn ta; mes mar nyns yw da genes dos genev dhe Babylon, ny dal dhis dos. Mir, yma oll an tir a-ragos; plepynag a hevel dhis bos da hag ewn, ke di.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Kynvannow 3:9

Ev re geas ow fordhow gans meyn treghys, ha kamma ow hynsyow.

Kynvannow 5:5

An yew war agan konna yw poes warnan; ni a lavur, nyns eus dhyn powes vyth.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Hosea 2:6

Rakhenna my a vynn keas dha fordh gans spern; ha'y degea gans fos, ma na gaffo hy hynsyow.