Kynvannow 3:2 - An Bibel Kernewek 20234 (Kernewek Kemmyn)

² Ev re'm hembronkas ha gul dhymm mos yn tewlder a-der golow;

Kynvannow 3:2 Iomraidhean Croise

Job 18:18

Ev yw herdhys dhiworth an golow a-berth y'n tewlder, ha helghys yn-mes a'n bys.

Job 30:26

Mes pan feu dhymm govenek a dader, drog a dheuth; pan waytis golow, tewlder a dheuth.

Ysay 59:9

Rakhenna ewnder yw pell dhiworthyn, hag ny wra ewnder drehedhes dhyn. Ni a worta golow, hag otta tewolgow! Ni a worta golewder, mes ni a gerdh y'n tewlder.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Dewteronomi 28:29

Ty a vydh ow palvala yn hanter-dydh, kepar dell balval an dall y'n tewolgow; ny wredh dhe'th fordhow seweni; devri y fydhydh arweskys ha ledrys, ha ny wra nagonan dha sawya.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Lyther Yud 1:6

ha'n eledh na withas aga offis aga honan mes a asas aga thrigva aga honan re beu gwithys ganso yn chaynys heb diwedh yn tewlder bys yn breus an jydh meur;