Kynvannow 3:11 - An Bibel Kernewek 20234 (Kernewek Kemmyn)

¹¹ Ev re dreylyas ow fordhow a-denewen hag ow skethenna; hag ow gasa forsakys.

Kynvannow 3:11 Iomraidhean Croise

Job 16:7

Mes lemmyn Duw re wrug dhymm bos skwith; ev re dhistruis oll ow mayni.

Salmow 143:4

Rakhenna ow spyrys a glamderas ynnov, ha'm kolonn a-bervedh ynnov a goedhas yn desper.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Yeremia 15:3

Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 19:8

Ha my a wra an sita ma euth, ha hwibana; pubonan a's tremen a'n jeves marth ha gul ges drefenn oll hy flaow.

Yeremia 32:43

Parkow a vydh prenys y'n tir ma may leverowgh, ‘Ynyal yw heb den na best; res yw yn leuv an Kaldeanys.’

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 6:8

Bedhes dyskys, A Yerusalem, ma na dreyllyo ow enev divlasys ahanas; ma na'th wrav ynyal, tir anannedhys.

Kynvannow 1:13

A-wartha ev a dhannvonas tan; hag yth eth bys y'm eskern yn town; ev a lesas roes rag ow threys, ha'm treylya war-dhelergh; re'm gasas dyegrys, klamderys oll an jydh.

Kynvannow 3:10

Kepar hag ors ow kontrewaytya yth yw dhymm, kepar ha lew yn kudhvaow.

Daniel 7:23

Yndellma y leveris: ‘An peswora best a styr an peswora gwlaskor y'n norvys, hag a vydh dihaval dhe oll an gwlaskordhow erell; hi a wra devorya oll an norvys, ha'y stankya ha'y derri dhe demmyn.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Matthew 23:38

Awotta, agas chi yw gesys dhywgh hwi, ynyal.

Diskwedhyans 18:19

Hag i a dewlis doust war aga fenn, hag a armas, owth oela, hag ow kyni, ow leverel, ‘Tru, tru, an sita vras, may feu seul a'n jevo lestri y'n mor gwrys rych dre hy hevoeth! rag yn unn our hi re beu gwrys difeyth.’