Kynvannow 2:9 - An Bibel Kernewek 20234 (Kernewek Kemmyn)

⁹ Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Kynvannow 2:9 Iomraidhean Croise

2 Myghternedh 25:7

I a ladhas mebyon Sedekia a-dherag y dhewlagas; ena genna yn-mes dewlagas Sedekia; i a'n golmas yn kargharow a vrons ha'y dhri dhe Babylon.

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Salmow 74:9

Ny welyn agan toknys, nyns eus profoes byth moy, ha nyns eus yn agan mysk neb a wodhvo pygemmys prys.

Ysay 24:12

Euth yw gesys y'n sita, an yetys yw brewys yn magoryow.

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 23:16

Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Yeremia 39:2

y'n unnegves blydhen a Sedekia, y'n peswora mis, yn nawves dydh an mis, aswa a veu terrys yn fos y'n sita.

Yeremia 39:8

An Kaldeanys a loskas chi an myghtern ha chiow an bobel gans tan, hag i a dorras fosow Yerusalem.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 52:14

Oll lu an Kaldeanys esa gans kapten an withysi a dorras oll an fosow a-dro dhe Yerusalem.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 17:20

My a les ow roes warnodho, hag ev a vydh kechys y'm antell, ha my a'n dre dhe Babylon ha'y vreusi ena, drefenn ev dhe vos dislel dhymm.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Amos 1:5

dralya a wrav barr Damaskus, ha terri an annedhyas dhiworth nans Aven, ha'n den a syns an welenn dhiworth Beth-eden; divres vydh pobel Aram bys yn Kir, yn-medh an Arloedh.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Dewteronomi 28:63

Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.