Kynvannow 2:2 - An Bibel Kernewek 20234 (Kernewek Kemmyn)

² An Arloedh re gollonkas heb truedh oll annedhow Yakob; yn y sorr ev re dorras dinasow myrgh Yuda; ev re dhros bys y'n dor ha disenora an wlaskor ha'y rewloryon.

Kynvannow 2:2 Iomraidhean Croise

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Salmow 21:9

Ty a's gwra kepar ha fornes a dan yn prys dha sorr. An Arloedh a's kollenk yn y goler, ha'n tan a's deber.

Salmow 74:7

I re worras tan y'th sentri; bys y'n dor i re dhefolas trigva dha hanow.

Ysay 22:5

Ytho an Arloedh, Duw an luyow, a'n jeves dydh a dervans ha trettya ha deray yn nans an welesigeth, dydh a derri fosow ha kriow dhe'n menydh.

Ysay 23:9

Arloedh an luyow a'n kusulyas, rag uvelhe goeth an splannder oll, ha rag shamya oll an re enorys a'n nor.

Ysay 25:12

Keryow ughel dha fosow a vydh dres yn-nans, iselhes, tewlys dhe'n dor, bys y'n doust.

Ysay 26:5

Ev a uvelha an re usi trigys y'n ughelder, an sita ughel; ev a's iselha bys y'n dor ha'y thewlel bys y'n doust.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Kynvannow 3:43

Ty re omwiskas gans kudhlenn sorr, ha'gan helghya; ty re ladhas heb piteth.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Ezekiel 7:4

Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Mika 5:14

ha my a dhiwreydh dha Asherim a-dhiworthis, ha diswul dha sitys.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Matthew 18:33

A ny dalvia dhis ynwedh kemmeres truedh a'th keswas kepar dell gemmeris vy truedh ahanas jy?”

2 Korinthianys 10:4

rag arvow agan gwerryans nyns yns a'n kig mes yma dhedha nerth Duw dhe dhomhwel kastylli, ow tomhwel dadhlow

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.