Kynvannow 2:11 - An Bibel Kernewek 20234 (Kernewek Kemmyn)

¹¹ Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Kynvannow 2:11 Iomraidhean Croise

Job 16:13

ha'y sethoryon a'm kyrghynn. Ev a wan ow diwloneth yn tibita, ha diveri ow bystel war an dor.

Job 30:27

Bryjyon a wra ow holodhyon heb powes; dydhyow a alar a dheu er ow fynn.

Salmow 119:82

Ow dewlagas a fyll ow yeuni war-lergh dha lavar, ow leverel, ‘P'eur hwredh jy ow hebaskhe?’

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 31:9

Bydh grassyes orthiv, A Arloedh, rag yth ov vy yn ankres; ow lagas a fyll drefenn poenvos; ha'm enev ha'm torr ynwedh.

Salmow 38:8

Difredh ov vy ha brewys dres eghenn; my re hanasas drefenn ankres ow holonn.

Salmow 6:7

Ow lagas a fyll drefenn poenvos; ev a wannha drefenn ow eskerens oll.

Salmow 69:3

Skwith ov vy ow karma; ronk yw ow bryansenn. Ow dewlagas a fyll, ha my ow kortos ow Duw.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 38:14

Kepar ha gwennel po garan, yndella y gryllis; my a gynis kepar ha kolomm. Ow dewlagas a fyll ow mires war-vann. A Arloedh, yma ankres dhymm, bydh goestel ragov.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Kynvannow 1:11

Hy fobel oll a gyn hag i ow hwilas bara; i a werth aga thresoryow rag boes may hwrellons dh'aga horf dasvewa. ‘Gwel, A Arloedh, ha mir, rag dispresys ov vy.’

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Kynvannow 5:17

Rakhenna devedhys ha bos klav yw agan kolonn, rakhenna tewlhes yw agan dewlagas,

Luk 23:29

rag otta, an dydhyow a dheu pan leverons, “Gwynnvys an re anvap, ha'n torrow bythkweth na dhineythis, ha'n bronnow na vagas.”

1 Samuel 30:4

Ena Davydh hag oll an bobel esa ganso a dhrehevis aga lev hag oela, bys ma nag esa dhedha nerth vyth dhe oela namoy.