Kynvannow 1:6 - An Bibel Kernewek 20234 (Kernewek Kemmyn)

⁶ Omdennys yw dhiworth myrgh Sion oll hy meuredh, hy fennsevigyon yw kepar ha kerwys na yllons kavoes peurva; i a fias dhe'n fo heb galloes a-rag an helghyas.

Kynvannow 1:6 Iomraidhean Croise

2 Myghternedh 19:21

Hemm yw an ger re gewsis an Arloedh er y bynn: Hi a'th tispres, hi a'th skorn – an wyrghes, myrgh Sion; myrgh Yerusalem re shakyas hy fenn war dha lergh.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

2 Myghternedh 25:5

Mes lu an Kaldeanys a helghyas an myghtern, ha'y dremena yn plenys Yeriko; oll y lu a veu keskerys dhiworto.

Salmow 50:2

Yn-mes a Sion, perfydh hy thekter, Duw re splannas.

Salmow 96:9

Gordhyewgh an Arloedh yn tekter sansoleth; kren a-dheragdho, oll an norvys.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Yeremia 29:4

Yndellma y lever Arloedh an luyow, Duw Ysrael, dhe oll an re a wrug vy aga doen dhe-ves yn divroedh a-dhiworth Yerusalem dhe Babylon:

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yeremia 48:41

an sitys a vydh kemmerys ha'n dinasow dalghennys. Kolonn kasoryon Moab y'n jydh na a vydh kepar ha kolonn benyn yn hy gwelivesi.

Yeremia 52:11

Ena ev a worras yn-mes dewlagas Sedekia, ha'y gelmi yn kadonyow; ha myghtern Babylon a'n dhug dhe Babylon, ha'y worra yn prison bys yn dydh y vernans.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Ezekiel 24:25

Ha ty, A vab den, y'n jydh may hwrav vy kemmeres dhiworta aga skons, lowena aga thekter, delit aga dewlagas, desir aga enev, hag ynwedh aga mebyon ha'ga myrghes –

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.