Kynvannow 1:5 - An Bibel Kernewek 20234 (Kernewek Kemmyn)

⁵ Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Kynvannow 1:5 Iomraidhean Croise

2 Myghternedh 21:15

drefenn i dhe wul an pyth yw drog y'm golok ha dhe'm provokya dhe sorr, a-dhia'n jydh may teuth aga thasow yn-mes a Ejyp, hwath bys y'n jydh ma.’

Salmow 80:6

Ty a'gan gwra strif dh'agan kentrevogyon, ha'gan eskerens a wra ges ahanan.

Salmow 89:42

Ty re dhrehevis leuv dhyghow y envi; ty re lowenhas oll y eskerens.

Ysay 22:5

Ytho an Arloedh, Duw an luyow, a'n jeves dydh a dervans ha trettya ha deray yn nans an welesigeth, dydh a derri fosow ha kriow dhe'n menydh.

Ysay 63:18

Rag termyn kott dha bobel sans a'n eritas, mes lemmyn agan eskerens re drettyas dha sentri yn-dann dreys.

Yeremia 10:20

Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Yeremia 12:7

My re asas ow chi, my re skonyas ow ertach; my re ros karadow ow enev yn leuv hy eskerens.

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 39:9

Ena Nebuzaradan kapten an withysi a dhug yn divroedh dhe Babylon remenant an bobel o gesys y'n sita, ha'n re a gilfias dhodho, ha remenant an bobel re beu gesys.

Yeremia 5:29

A ny wrav aga hessydhya drefenn an traow ma? yn-medh an Arloedh, a ny vydh ow enev diellys war genedhel a'n par ma?

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:18

Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Kynvannow 1:8

Yerusalem re beghas dres eghenn, ha rakhenna res eth ha bos avlan; pubonan neb a's gordhya a's dispres, rag i re welas hy noethedh; kyni ynwedh a wra hi, ha treylya dhe-ves.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 3:46

Oll agan eskerens re igoras aga ganow er agan pynn.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’