Kynvannow 1:10 - An Bibel Kernewek 20234 (Kernewek Kemmyn)

¹⁰ An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.

Kynvannow 1:10 Iomraidhean Croise

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

Nehemia 13:1

Y'n jydh na, i a lennas yn-mes a lyver Moyses yn klewans an bobel; hag ynno y feu kevys skrifys na dal entra nevra naneyl Ammonyas na Moabyas a-ji dhe guntelles Duw,

Ysay 63:18

Rag termyn kott dha bobel sans a'n eritas, mes lemmyn agan eskerens re drettyas dha sentri yn-dann dreys.

Yeremia 15:13

Dha gevoeth ha'th tresoryow a rov avel preydh heb kost, rag oll dha beghosow, dres oll dha diredh.

Yeremia 20:5

Kekeffrys my a re tresor oll an sita ma, hag oll frut hy lavur, hag oll hy thaklow drudh, ha provians oll myghternedh Yuda – my a's re yn leuv aga eskerens, hag i a's pyll, ha'ga doen dhe Babylon.

Yeremia 27:19

Rag yndellma y lever Arloedh an luyow a-dro dhe'n kolovenyow, an mor, an synsellow ha remenant an lestri yw gesys y'n sita ma,

Yeremia 27:21

rag yndellma y lever Arloedh an luyow, Duw Ysrael, a-dro dhe'n lestri yw gesys yn chi an Arloedh, yn chi myghtern Yuda, hag yn Yerusalem:

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 51:51

Ni yw gorrys dhe veth drefenn ni dhe glewes keredh; disenor re gudhas agan fas, rag estrenyon re dheuth yn tylleryow sans chi an Arloedh.

Yeremia 52:13

Ev a loskas chi an Arloedh, ha chi an myghtern, hag oll chiow Yerusalem; pub chi meur ev a loskas gans tan.

Kynvannow 1:7

Yerusalem a berth kov, yn dydhyow hy anken ha'y diannetter, a'y fythow desirys oll a's tevo y'n dydhyow koth. Pan goedhas hy fobel yn dorn an eskar, heb denvyth a's gweressa, an eskerens a's gwelas, ha gul ges a'y therroes.

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Ezekiel 7:22

My a dreyl ow fas dhiworta, hag i a dhefol ow thresor; ladron a dheu ynni, hag i a's defol.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Mark 13:14

‘Mes pan welowgh pyth kasadow an difeythter ow sevel le na dhegoedh dhodho (gwres an redyer konvedhes), ena fies dhe'n menydhyow an re usi yn Yudi;

Dewteronomi 23:3

Naneyl Ammonyas na Moabyas ny enter a-ji dhe guntelles an Arloedh; hwath bys y'n degves henedh ny enter aga diyskynnysi a-ji dhe guntelles an Arloedh bys vykken,

Dewteronomi 23:4

drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.