Kolossianys 4:1 - An Bibel Kernewek 20234 (Kernewek Kemmyn)

¹ A vestrysi, rewgh dh'agas kethwesyon an dyghtyans yw ewn hag ekwal, rag hwi a woer bos Mester genowgh hwi ynwedh yn nev.

Kolossianys 4:1 Iomraidhean Croise

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 20:4

hag yn-medh ev dhedha, “Ewgh hwi ynwedh y'n winlann ha pypynag oll a vo ewn my a'n re dhywgh hwi.”

Luk 19:15

Mes pan dhehwelis wosa degemmeres an myghternsys ev a erghis an gethwesyon na may rosa ev an mona dhedha, dhe vos gelwys dhodho, dhe dhyski pandr'a veu prow aga henwerth.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.