Kolossianys 3:22 - An Bibel Kernewek 20234 (Kernewek Kemmyn)

²² A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

Kolossianys 3:22 Iomraidhean Croise

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Salmow 123:2

Otta, kepar dell vir dewlagas servysi orth leuv aga mestrysi, ha dewlagas maghteth orth leuv hy mestres, yn kettella agan dewlagas ni a vir orth an Arloedh, erna gemmerro truedh ahanan.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 5:7

Kepar ha dell eus euveredh yn lies hunros, yndella yma an keth henna yn lies ger. Ytho porth own a Dhuw.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Matthew 6:22

‘Lugarn an korf yw an lagas. Rakhenna mars yw yagh dha lagas, oll dha gorf a vydh leun a wolow;

Matthew 8:9

Rag my ynwedh yw den yn-dann awtorita, hag a'm beus soudoryon yn-dannov, ha my a lever dhe onan, “Ke”, ha mos a wra, ha dhe arall, “Deus”, ha dos a wra, ha dhe'm kethwas, “Gwra hemma”, hag ev a'n gwra.’

Luk 6:46

‘Prag y'm gelwewgh “Arloedh, Arloedh” ha ny wrewgh an pyth a lavarav?

Luk 7:8

Rag my ynwedh yw den yn-dann awtorita, ha dhymm soudoryon yn-dannov, ha my a lever dhe hemma, “Ke”, ha mos a wra, ha dhe dhen arall, “Deus”, ha dos a wra, ha dhe'm kethwas, “Gwra hemma”, hag ev a'n gwra.’

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Kolossianys 3:20

A fleghes, obayewgh dh'agas kerens yn pup-tra, rag hemm yw plegadow dhe'n Arloedh,

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.

Filemon 1:16

dhe vos na fella keth mes moy es keth, broder karadow, kyns oll dhymmo vy, mes pygemmys moy dhiso jy y'n kig keffrys hag y'n Arloedh.