Kolossianys 3:20 - An Bibel Kernewek 20234 (Kernewek Kemmyn)

²⁰ A fleghes, obayewgh dh'agas kerens yn pup-tra, rag hemm yw plegadow dhe'n Arloedh,

Kolossianys 3:20 Iomraidhean Croise

Jenesis 28:7

Ha Yakob a wrug vri a'y das ha'y vamm ha mos dhe Padan-aram.

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Lavarow Koth 20:20

Neb a volleth y das po y vamm, y lugarn a vydh difeudhys yn tewlder down.

Lavarow Koth 30:11

Yma re hag a volleth aga thas ha na vennik aga mamm.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Lavarow Koth 6:20

Ow mab, gwith gorhemmynn dha das, ha na forsak dyskans dha vamm.

Yeremia 35:8

Yndellma ni re woslowas orth lev Yonadab mab Rekab agan tas yn pup-tra a worhemmynnis dhyn, ma na evyn gwin vyth yn agan dydhyow, ni, na'gan gwragedh, na'gan mebyon, na'gan myrghes,

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:3

Pubonan ahanowgh a wra revrons dh'y das ha'y vamm ha synsi ow sabotys. An Arloedh agas Duw ov vy.

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Matthew 19:19

Gwra enora dha das ha'th vamm, ha Kar dha gentrevek avelos ty dha honan.’

Efesianys 5:24

Mes kepar dell yw an eglos gostydh dhe Grist, yndella ynwedh an gwragedh yw gostydh dh'aga gwer yn pup-tra.

Dewteronomi 27:16

‘Mollothek yw ev neb a dhispres y das ha'y vamm.’ Ena oll an bobel a lever, ‘Amen.’

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 3:22

A gethwesyon, obayewgh dh'agas arlydhi war-lergh an kig yn pup-tra, a-der gans gonis yw gwelys rag plegya dhe vab-den, mes gans glander kolonn, ow perthi own a'n Arloedh.

Titus 2:9

Gwra keski kethwesyon may fons gostydh dh'aga mestrysi yn pup-tra, dhe blegya yn ta heb dadhel,

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Ruth 3:5

Ruth a worthybis dhedhi, ‘Pup-tra a leversys dhymm y wul, henna a wrav.’