Kolossianys 3:2 - An Bibel Kernewek 20234 (Kernewek Kemmyn)

² Gwrewgh vri a'n taklow war-vann, a-der a'n taklow war an nor.

Kolossianys 3:2 Iomraidhean Croise

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

1 Kroniklys 29:3

Gans henna, rag my dhe gavoes delit yn chi ow Duw, my re ros owr hag arghans dhiworth ow pyth ow honan, yn keworrans dhe oll re bareusis vy rag an chi sans:

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Salmow 91:14

Drefenn ev dhe worra y gerensa warnav, rakhenna my a'n delirv; my a'n drehav, rag ev dhe aswonn ow hanow.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 6:19

‘Na guntellewgh dhywgh agas honan tresoryow war an nor, le may ma goedhan ha gossen ow tiswul ha may hwra ladron terri a-bervedh ha ladra.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Luk 16:11

Ytho mar ny vewgh lel y'n mammon anewn, piw a re gwir rychys yn agas charj?

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Kolossianys 3:1

Ytho mar pewgh drehevys gans Krist, hwilewgh an taklow usi war-vann, le mayth usi Krist owth esedha a dhyghow dhe Dhuw.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,