Kolossianys 3:13 - An Bibel Kernewek 20234 (Kernewek Kemmyn)

¹³ ow kodhav an eyl y gila, hag ow kava an eyl dh'y gila, mars eus krodhvol war nebonan. Kepar dell avas an Arloedh dhywgh, gwrewgh hwi yndella, ynwedh.

Kolossianys 3:13 Iomraidhean Croise

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Matthew 5:44

Mes my a lever dhywgh, Kerewgh agas eskerens ha pysewgh rag an re a wra agas helghya,

Matthew 6:12

ha gav dhyn agan kendonow kepar dell evyn ni ynwedh dh'agan kendonoryon.

Mark 11:25

‘Ha peskweyth may seffowgh dhe bysi, gevewgh hwi, mara'gas beus travyth erbynn nebonan, rag may haffo agas Tas eus yn nevow dhywgh hwi agas kammweythresow.

Luk 11:4

ha gav dhyn agan peghosow, rag ni ynwedh a av dhe beub yw kendoner dhyn ni; ha na wra agan dri yn temptasyon.’

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

Romanyon 15:7

Kemmerewgh ytho an eyl y gila, par dell re'gas kemmeras Krist rag glori Duw.

2 Korinthianys 2:10

Lemmyn, dhe neb a evowgh neppyth, my ynwedh a'n gwra; rag mar kwrugavy gava neppyth, my ynwedh re'n gavas ragowgh hwi yn golok Krist,

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

Galatianys 6:2

Degewgh agas beghyow an eyl a-barth y gila, hag yndella hwi a gollenow lagha Krist.

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.