Kolossianys 3:12 - An Bibel Kernewek 20234 (Kernewek Kemmyn)

¹² Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

Kolossianys 3:12 Iomraidhean Croise

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 45:4

A-barth ow gwas Yakob, hag Ysrael, ow dewisys, my a'th elow orth dha hanow, my a re dhis les-hanow a enor, kyn na'm aswonnsys.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Ysay 65:22

Ny dhrehevons, hag arall a drig ena, ny blansons, hag arall a dheber. Rag dydhyow ow fobel a vydh avel dydhyow gwydhenn, ha'm re dhewisys a wel ober aga diwla ow toen frut termyn hir.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Matthew 24:22

Ha mar ny ve an dydhyow na gwrys kott, ny via kig vyth selwys; mes rag an re dhewisys an dydhyow na a vydh gwrys kott.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Mark 13:27

Hag ena ev a dhannvon an eledh ha kuntell war-barth y re dhewisys dhiworth an peswar gwyns, dhiworth penn pella an norvys bys yn penn pella an nevow.

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 9:11

kyn na vons hwath genys na ny wrussens naneyl da na drog, (rag may pessyo towl Duw herwydh dewisyans, a-der der oberow mes der y alow),

1 Korinthianys 13:4

Pell ow perthi yma kerensa; kuv yw kerensa, ny berth avi; kerensa ny vost, nyns yw goethus,

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Efesianys 4:24

ha dhe wiska an den nowydh yw gwrys war-lergh Duw yn ewnder ha sansoleth a dheu dhiworth an gwir.

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Kolossianys 3:10

ha wosa gwiska an den nowydh, daswrys yn godhvos war-lergh an imaj a neb a'n gwrug.

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

1 Yowann 4:19

Ni a gar drefenn ev dh'agan kara kynsa.

2 Yowann 1:13

Fleghes dha hwoer dhewisys a'th salus.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’