Kolossianys 3:10 - An Bibel Kernewek 20234 (Kernewek Kemmyn)

¹⁰ ha wosa gwiska an den nowydh, daswrys yn godhvos war-lergh an imaj a neb a'n gwrug.

Kolossianys 3:10 Iomraidhean Croise

Jenesis 5:1

Hemm yw lyver henedhow Adam. Y'n jydh may formyas Duw mab-den, yn hevelep Duw y'n gwrug ev.

Job 29:14

My a omwiska yn gwirvreus hag ev a'm gwiska; ow gwirvreus o avel pows ha tulyfant.

Salmow 51:10

Gwra kolonn lan ragov, A Dhuw, ha daswra ynnov vy spyrys len.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 6:4

Ytho ynkleudhys ganso yth en dre vesydhya yn mernans, rag may hyllyn kerdhes ganso yn nowydhses a vewnans, par dell veu Krist drehevys a'n re varow dre wolewder an Tas.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 4:16

Rakhenna ny dheun ha bos digolonnek; kyn hwannha agan gnas usi a-ves, hwath yma agan gnas usi a-ji nowydhhes pub dydh oll.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Galatianys 3:27

rag myns ahanowgh a veu besydhys yn Krist a wiskas Krist.

Galatianys 6:15

Rag ny amont mann naneyl trodreghyans nag antrodreghyans, saw unnsel kreasyon nowydh.

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Efesianys 2:15

ow tiswul an lagha a arghadow ha rewlys, may hwrella a'n dhew unn den nowydh ynno ev, ow kul kres,

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

Kolossianys 3:14

Ha dres oll an taklow ma, gwiskewgh kerensa, yw an golmenn a berfydhder.

Filemon 1:6

ha my a bys may fo kowethyans dha fydh mayn nerthek der aswonnvos oll an dader a'gan beus yn Krist.

Ebrowyon 6:6

hag ena y koedhsons a-denewen, rag i a grows Mab Duw arta ragdha i aga honan ha gul bismer dhodho.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 2:5

Mes piwpynag a synso y er, ynno yth yw kerensa Duw perfydhhes: dredhi y hwodhon, ni dhe vos ynno.

Diskwedhyans 21:5

Ha neb esa owth esedha war an tron a leveris, ‘Otta, nowydh a wrav pup-tra oll.’ Hag ev a leveris dhymm, ‘Skrif, rag len ha gwir yw an geryow ma.’