Kolossianys 2:19 - An Bibel Kernewek 20234 (Kernewek Kemmyn)

¹⁹ heb synsi an penn, a neb an korf oll, skoedhys ha junys war-barth der an giow ha'n skennys, a dyv gans tevyans Duw.

Kolossianys 2:19 Iomraidhean Croise

Luk 5:38

mes gwin nowydh yw gorrys yn kreghyn nowydh.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

Romanyon 11:17

Mes mar pe rann a'n skorrennow terrys dhe-ves ha ty, olewenn woedh, ympys yn aga le dhe gevrenna yn gwreydhenn ha sugen an olewenn,

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 11:3

Mes my a vynn orthowgh godhvos bos Krist penn pub gour ha bos an gour penn benyn ha bos Duw penn Krist.

1 Korinthianys 3:6

My a blansas, Apollos a dhowras, mes Duw a wrug dhe devi.

Efesianys 1:22

hag ev re worras pup-tra yn-dann y dreys hag a'n ros dhe vos penn war bup-tra dhe'n eglos,

Efesianys 1:23

yw y gorf, an leunder anodho ev neb a lenow oll yn oll.

Efesianys 2:21

Ynno ev oll an drehevyans junys war-barth, a dyv dhe vos tempel sans y'n Arloedh;

Efesianys 4:3

hwansek dhe witha unnsys an Spyrys y'n golmenn a gres.

Efesianys 5:29

Rag ny wrug denvyth bythkweth kasa y gig y honan, mes ev a'n mag ha'y jershya kepar dell wra Krist ynwedh maga ha chershya an eglos;

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 1:18

Hag ev yw penn an korf, an eglos, neb yw an dalleth, an kynsa-genys dhiworth an re varow, rag may fo ev an kynsa yn pup-tra.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

1 Thessalonianys 3:12

ha'n Arloedh re wrello dhywgh ynkressya ha palshe yn kerensa an eyl dh'y gila, ha dhe bub den kepar dell wren ni ynwedh dhywgh hwi,

1 Thessalonianys 4:10

ha dhe wir, hwi a wra hemma rag an vreder oll der oll Makedonia. Mes ni a'gas pys, a vreder, may palshahowgh dhe voy,

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.