Kolossianys 2:15 - An Bibel Kernewek 20234 (Kernewek Kemmyn)

¹⁵ ev a dhestryppyas an prynsipatys ha'n potestatys, ha'ga gul ensampel yn apert, orth aga hembronk yn keskerdh trygh dredhi hi.

Kolossianys 2:15 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Matthew 12:29

Po fatell yll nebonan mos a-bervedh yn chi den krev ha pylla y byth mar ny wra ev kyns oll kelmi an den krev hag ena pylla y ji?

Luk 10:18

Hag ev a leveris dhedha, ‘My a weli Satnas avel lughesenn ow koedha dhiworth nev.

Luk 11:22

mes pan dheffo warnodho den kreffa agesso, ev a gemmer dhiworto y leun-arvwisk may trestyas ynni, ha ranna y breydh.

Yowann 16:11

hag a-dro dhe vreus, rag pryns an bys ma yw breusys.

Yowann 19:30

Ytho pan wrussa Yesu kemmeres an aysel, ev a leveris, ‘Kowlwrys yw.’ Hag ow poesa y benn war-rag, ev a dhaskorras an enev.

1 Korinthianys 15:24

Ena y teu an diwedh, pan dhaskorr ev an wlaskor dhe Dhuw an Tas, wosa distrui pub prynsipata ha pub potestas ha pub maystri.

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Efesianys 4:8

Ytho leverys veu, ‘Wosa yskynna yn ughelder, ev a hembronkas prisnoryon, hag a ros rohow dhe dus.’

Efesianys 6:12

rag nyns yw agan kas erbynn goes ha kig, mes erbynn prynsipatys, erbynn potestatys, erbynn rewloryon an bys tewl ma, erbynn luyow spyrysel a dhroktra y'n tylleryow nevek.

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.

Kolossianys 2:10

Ha hwi re beu kollenwys ynno neb yw penn pub prynsipata ha potestas.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.