Kolossianys 2:13 - An Bibel Kernewek 20234 (Kernewek Kemmyn)

¹³ Ha hwi neb a veu marow yn kammweythresow ha heb trodreghyans a'gas kig, ev a wrug dhywgh bewa war-barth ganso, ow kava dhyn an kammweythresow oll,

Kolossianys 2:13 Iomraidhean Croise

Salmow 119:50

Hemm yw ow honfort y'm anken, rag dha lavar re'm bewhas.

Salmow 32:1

Gwynnvys neb yw gevys y gammweyth, ha neb yw kudhys y beghes.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Luk 15:24

rag ow mab ma o marow ha re vewas arta; kellys o, ha trovys yw.” Hag i a dhallathas goelya.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 9:60

Mes ev a leveris dhodho, ‘Gas dhe'n re varow ynkleudhyas aga thus varow aga honan; mes ty, ke dhe bregoth gwlaskor Duw.’

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Romanyon 4:17

Dell yw skrifys, ‘My re'th wrug tas kenedhlow pals’ – a-rag an Duw may fydhyas ynno, neb a re bewnans dhe'n re varow hag a elow dhe vosva an taklow na's teves bosva.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

Romanyon 8:11

Mars usi trigys ynnowgh y Spyrys ev, neb a dhrehevis Yesu a vernans, ev neb a dhrehevis Yesu a vernans a re bewnans dh'agas korf marwel ynwedh der y Spyrys usi trigys ynnowgh.

1 Korinthianys 15:36

Ty wokki! An pyth a hesydh ny wra bewa marnas ev a verow;

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

2 Korinthianys 5:19

henn yw, yth esa Duw yn Krist, owth unnverhe an bys dhodho y honan, heb rekna aga drogoberow er aga fynn, hag ev re worras yn agan charj an geryow a unnverheans.

Efesianys 2:1

Ha hwi a veu marow yn agas drogoberow ha'gas peghosow

Efesianys 2:11

Rakhenna, perthewgh kov agas bos Jentilys kyns y'n kig, gelwys ‘an Antrodreghyans’ gans an re yw gelwys ‘an Trodreghyans’, gwrys y'n kig gans dorn,

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Kolossianys 2:12

Ynkleudhys vewgh ganso yn besydhyans may fewgh drehevys ynwedh ganso der oberyans Duw, neb a'n drehevis dhiworth an re varow.

1 Timothi 5:6

Mes neb a vew yn plesour yw marow kyn fo hi hwath yn few.

1 Timothi 6:13

My a worhemmynn dhis a-dherag Duw a re bewnans dhe bup-tra ha'n Arloedh Yesu Krist a dhustunias gans professyans da a-dherag Pontius Pilat,

Ebrowyon 6:1

Yndellma, gesyn dyskasow elvennek Krist ha mos yn-rag dhe berfydhder, heb gorra a-nowydh an selven a dreylya yn edrega dhiworth oberow marow hag a fydh war-tu ha Duw,

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Jamys 2:17

Yndella ynwedh, fydh hy honan, mar nyns eus gwriansow gensi, marow yw.

Jamys 2:20

A vynn'ta godhvos, a dhen koeg, bos euver fydh heb gwriansow?

Jamys 2:26

Rag kepar dell yw an korf marow heb spyrys, yndella ynwedh, marow yw fydh heb gwriansow.

1 Yowann 2:12

My a skrif dhywgh hwi, fleghigyow, drefenn bos gevys dhywgh agas peghosow a-barth y hanow ev.