Kolossianys 1:7 - An Bibel Kernewek 20234 (Kernewek Kemmyn)

⁷ kepar dell dhys'sowgh gans Epafras agan keswas karadow, yw menyster lel a Grist ragowgh hwi,

Kolossianys 1:7 Iomraidhean Croise

Niverow 12:7

Nansi gans ow gwas Moyses; ev yw len yn oll ow chi.

Matthew 18:29

Y geswas ytho a goedhas orth y dreys ha pysi warnodho, “Gwra ow perthi, ha my a attal dhis.”

Matthew 24:45

‘Piw ytho yw an kethwas lel ha fur may ros an mester dhodho charj a'y deylu rag ri dhedha aga boes yn prys ewn?

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

1 Korinthianys 4:17

Hemm yw an pur skila my dhe dhannvon dhywgh Timothi, neb yw ow flogh meurgerys ha lel y'n Arloedh, ha neb a wra dri dh'agas kov ow fordhow yn Krist Yesu, kepar dell dhyskav yn pub tyller, yn pub eglos.

1 Korinthianys 4:2

Dres henna, hwilys yw yn rennysi, aga bos prevys lel.

1 Korinthianys 7:25

Lemmyn a-dro dhe wyrghesow, nyns eus dhymm gorhemmynn a'n Arloedh, mes ow brys a rov avel onan neb yw lel, dre dregeredh an Arloedh.

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

Efesianys 5:21

Bedhewgh gostydh an eyl dh'y gila yn own Krist.

Filippianys 2:25

Mes my a dybis bos res dannvon dhywgh Epafroditus, ow broder, kesoberer ha kessouder ha'gas kannas, ha menyster a'm edhomm,

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

Kolossianys 4:7

Y hwra Tyghikus, an broder karadow ha menyster lel ha keswas y'n Arloedh, derivas dhywgh a-dro dhymm,

Kolossianys 4:9

gans Onesimus an broder lel ha karadow yw onan ahanowgh. I a wra derivas dhywgh a bup-tra omma.

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

2 Timothi 2:2

ha'n taklow a glewsys dhiworthiv dre lies test, gwra aga gorra yn charj dhe dus lel a vydh gwiw dhe dhyski tus erell ynwedh.

Filemon 1:23

Epafras, ow hesprisner yn Krist Yesu a wra dha salusi,

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 3:2

neb o len dhe neb a'n ordenas, kepar dell o Moyses len yn oll chi Duw.