Job 2:3 - An Bibel Kernewek 20234 (Kernewek Kemmyn)

³ An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Job 2:3 Iomraidhean Croise

Jenesis 6:9

An re ma yw henedhow Noy. Noy o gour gwiryon ha perfydh yn y dermyn hag yth esa Noy ow kerdhes gans Duw.

2 Samuel 20:20

Yoab a worthybis, ‘Pell bedhes, pell bedhes dhiworthiv, my dhe gollenki po dhe dhistrui!

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 1:6

Yth esa dydh pan dheuth mebyon Duw dhe sevel a-dherag an Arloedh, ha Satnas a dheuth yn aga mysk ynwedh.

Job 1:8

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog?’

Job 13:15

Kyn hwra ev ow ladha; yma govenek dhymm; byttegyns my a dhefend ow fordhow a-rag y fas.

Job 2:2

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Job 2:4

Ena Satnas a worthybis dhe'n Arloedh, ‘Kroghen rag kroghen. Pup-tra oll a'n jeves gour, ev a'n re a-barth y vewnans.

Job 9:17

Rag ev a'm skwatt gans tewedh, ha lieshe ow goliow heb acheson.

Job 9:20

Mar pen vy ankablus, ow ganow ow honan a'm dampensa; mar pen divlam ev a brovsa ow bos gorth.

Salmow 26:1

Breus vy, A Arloedh, rag my re gerdhas yn tivlam, ha my re drestyas y'n Arloedh heb trebuchya.

Salmow 37:37

Merk an den divlam, ha mir orth an den ewnhynsek, rag yma henedh dhe'n den a gres.

Salmow 41:12

Ha my, ty a'm menten heb namm, ha'm gorra a-dheragos bynitha.

Lavarow Koth 11:8

An den gwiryon yw delivrys a boenvos ha'n tebelwas a dheu a-bervedh ynno yn y le.

Lavarow Koth 13:6

Ewnder a with neb yw divlam y fordh, mes sherewynsi a dhomhwel an peghador.

Lavarow Koth 14:2

Neb a gerdh yn ewnhynseth a'n jeves own a'n Arloedh, mes neb yw kamm y hynsyow a'n dispres.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 16:17

Fordh-veur an dus ewnhynsek a dreyl dhiworth drog; neb a woel war y fordh a with y enev.

Yowann 9:3

Yesu a worthybis, ‘Ny beghas naneyl an den ma na'y gerens, mes may fe diskwedhys ynno oberow Duw.

Filippianys 3:12

Nyns yw my dhe waynya seulabrys, po my dhe vos gwrys perfydh, mes my a striv, mar kallav synsi kepar dell veuv synsys ynwedh gans Krist Yesu.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.