Job 1:3 - An Bibel Kernewek 20234 (Kernewek Kemmyn)

³ Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Job 1:3 Iomraidhean Croise

Jenesis 12:16

Ev a dhyghtyas Abram yn ta a'y govis hi, hag y feu dhodho deves, oghen, asenes, gwesyon, maghtethyon, kasegi-asen ha kowrvergh.

Jenesis 12:5

Hag Abram a gemmeras Saray y wreg ha Lot, mab y vroder hag oll aga fyth re wrussens kuntelles, ha'n enevow re wrussens kavoes yn Haran, hag i eth yn-kerdh rag mos dhe bow Kanan; ha dhe bow Kanan y teuthons i.

Jenesis 13:6

ha ny ylli an tir aga sostena, hag i trigys war-barth, rag bos bras aga fyth, ma na yllens triga war-barth.

Jenesis 24:35

ha'n Arloedh re vennigas ow arloedh yn fras, hag ev re dheuth ha bos bras; ev re ros dhodho deves ha chatel, arghans hag owr, kethyon ha maghtethyon, kowrvergh hag asenes.

Jenesis 25:6

Ha dhe vebyon y iswragedh, Abraham a ros rohow ha'ga dannvon dhe-ves dhiworth y vab Ysak, hag ev hwath yn few, dhe'n est, troha pow an est.

Jenesis 29:1

Ena Yakob eth yn-kerdh ha mos dhe bow mebyon an howldrevel.

Jenesis 32:14

dewkans gaver, ugens bogh, dew kans davas hag ugens hordh,

Jenesis 34:23

Aga chatel, ha'ga fyth hag oll aga bestes, a ny vydhons dhyn ni? Ny res moy es assentya gansa hag i a vynn triga genen.’

2 Samuel 12:2

Yth esa dhe'n golusek niver bras a flokkys ha chatel;

1 Myghternedh 4:30

may feu furneth Solomon moy es furneth oll pobel an duryen hag oll furneth Ejyp.

2 Myghternedh 15:20

Menahem a gemmeras ardoll dhiworth Ysrael, oll an tus alloesek, hanter-kans shekel a arghans dhiworth pub huni, dh'y ri dhe vyghtern Assyria. Ytho myghtern Assyria a dreylyas war y lergh ha ny drigas ena y'n pow.

2 Myghternedh 3:4

Mesha myghtern Moab o mager a dheves, ha res o dhodho provia dhe vyghtern Ysrael kans mil oen ha kans mil hordh anknyvys.

1 Kroniklys 27:30

War an kowrvergh yth esa Obil an Yshmaelyas; war an kasegi-asen yth esa Yeghdeya an Meronothyas;

2 Kroniklys 26:10

Ev a dhrehevis touryow y'n gwylvos hag ev a balas lies dowrargh, rag ev a'n jevo greow bras, keffrys y'n Shefela hag y'n plen. Hag ev a'n jevo tiogyon ha gonedhysi gwinlannow y'n vro venydhyek hag y'n tiryow feyth, rag ev a garas an dor.

2 Kroniklys 32:29

Ev a brovia ynwedh sitys ragdho y honan, ha flokkys ha greow pals, rag Duw re ros dhodho pythow meur.

Job 1:10

A ny worrsys ke a-dro dhodho ha dh'y ji ha dhe bup-tra a'n jeves, orth pub tu? Ty re vennigas ober y dhiwleuv, ha'y jatel re gressyas y'n pow.

Job 1:4

Y vebyon e ha synsi kevewi yn chi pub huni anedha yn y jydh, hag i a dhannvona ha gelwel aga theyr hwoer dhe dhybri ha dhe eva gansa.

Job 21:28

Rag hwi a lever, “Ple'ma chi an pennsevik lemmyn? Ha ple'ma an tyldow mayth esa an dhrogoberoryon trigys?”

Job 29:25

My a dhewisi an fordh ragdha ha my a esedha avel chyf, ha my a's ledya avel myghtern yn kres y lu, kepar ha den a re konfort dhe gynoryon.

Job 31:25

mar lowenhis drefenn bos meur ow golusogneth, po drefenn ow leuv dhe waynya meur;

Job 31:37

my a dhisklersa dhodho oll kovadh ow bewnans ha dos nes dhodho kepar ha pennsevik.

Job 42:10

Wosa Job dhe bysi rag y gowetha, an Arloedh a restoryas feus Job hag a ros dhodho diwweyth moy ages dell esa dhodho kyns.

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Lavarow Koth 10:22

Bennath an Arloedh a wra den rych, ha ny geworr tristans gans henna.

Yeremia 49:28

A-dro dhe Kedar ha gwlaskordhow Hasor a wrug Nebukadnessar myghtern Babylon aga fetha. Yndellma y lever an Arloedh: Sevewgh, kewgh yn-bann erbynn Kedar, ha distruewgh pobel an duryen.

Niverow 23:7

Ha Balaam a gemmeras yn-bann y gows, ha leverel, ‘A-dhiworth Aram Balak re'm dros, myghtern Moab a venydhyow an howldrevel: Deus, molleth Yakob ragov, ha deus, kuhudh Ysrael!

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

Breusysi 6:5

Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 8:10

Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.

1 Samuel 25:2

Yth esa gour yn Maon, a'n jevo y negys yn Karmel. An gour o pur wolusek; ev a'n jevo tri mil dhavas, ha mil ever. Yth esa ev ow knyvyas y dheves yn Karmel.

1 Samuel 27:9

Davydh a weskis an tir, ha ny asas yn few naneyl gour na benyn, hag ev a gemmeras dhe-ves an deves, an oghen, an asenes, an kowrvergh, ha'n dillas, ha dehweles dhe Akish.