Jenesis 9:26 - An Bibel Kernewek 20234 (Kernewek Kemmyn)

²⁶ Hag ev a leveris, ‘Benniges re bo an Arloedh, Duw Shem, ha re bo Kanan kethwas dhodho.

Jenesis 9:26 Iomraidhean Croise

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

Jenesis 24:27

ha leverel, ‘Benniges re bo an Arloedh, Duw ow arloedh Abraham, na wrug forsakya y dregeredh ha'y wiryonedh troha'm arloedh. An Arloedh re'm hembronkas yn ewn dhe ji breder ow arloedh.’

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 27:37

Ysak a worthybis ha leverel dhe Esaw, ‘Otta, my re'n settyas avel mester warnas, ha ri dhodho oll y vreder avel gwesyon, ha my re'n sostenas gans ys ha gwin. Pandra ytho a wrav lemmyn ragos jy, ow mab?’

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

1 Myghternedh 9:21

aga diyskynnysi o gesys hwath y'n tir, an re na ylli Ysrael aga howlladha – an re ma a veu konstrynys rag lavur kethneth, hag yndella yth yns bys y'n jydh ma.

Salmow 144:15

Gwynnvys an bobel yn studh a'n par na; devri, gwynnvys an bobel ha dhedhi an Arloedh avel aga Duw.

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

Dewteronomi 33:26

Nyns eus nagonan avel an Duw a Yeshurun, usi ow marghogeth dre nev dhe'th weres, hag yn y veuredh war an kommol.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Yoshua 9:23

Ytho lemmyn milliges owgh, ha ny vydhydh livrys a vos kethyon, treghysi keunys ha tennoryon dowr rag chi ow Duw.’

Breusysi 1:28

Pan dheuth Ysrael ha bos krev, i a worras an Kananysi dhe hwel krev, mes ny wrussons aga chasya dhe-ves yn tien.