Jenesis 8:1 - An Bibel Kernewek 20234 (Kernewek Kemmyn)

¹ Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

Jenesis 8:1 Iomraidhean Croise

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 30:22

Ena Duw a borthas kov a Raghel ha goslowes orti hi hag igeri hy thorr.

Jenesis 9:10

ha gans pub tra vew usi genowgh hwi, ydhyn, chatel, ha pub best a'n nor genowgh hwi, a beub usi ow mos yn-mes a'n gorhel – pup-tra vew a'n nor.

Nehemia 13:14

Porth kov ahanav, ow Duw, rag oll hemma, ha na dhefend ow oberow da a wrug vy rag chi ow Duw, hag yn y servis.

Nehemia 13:22

Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Nehemia 13:29

Porth kov anedha, ow Duw, drefenn i dhe dhefola an oferyaseth, ha kevambos an oferyaseth ha'n Levysi.

Nehemia 13:31

Ha my a brovias keunys rag an offrynn yn termynyow apoyntys, ha'n kynsa frut. Porth kov ahanav, ow Duw, rag da.

Job 12:15

Mar skon ev an dowrow, i a sygh; mar kwra ev aga dyllo, i a fenn an tir.

Job 14:13

Unnweyth a kwrelles ow kudha yn ifarn, ow heles erna vo dha sorr tremenys, apoyntya termyn ragov ha perthi kov ahanav!

Salmow 105:42

Rag ev a borthas kov a'y ambos sans, hag a Abraham y was.

Salmow 106:4

Porth kov ahanav, A Arloedh, herwydh dha ras orth dha bobel; deus dhymm gans dha selwyans;

Salmow 115:12

An Arloedh re borthas kov ahanan, hag ev a'gan bennik; ev a vennik chi Ysrael, ev a vennik chi Aron.

Salmow 132:1

Porth kov, A Arloedh, a Davydh ha'y boenvos oll;

Salmow 136:23

neb a borthas kov ahanan yn agan iselder, rag y dregeredh a dhur bys vykken;

Salmow 137:7

Porth kov, A Arloedh, a vebyon Edom yn dydh Yerusalem, fatell lavarsons, ‘Diswrewgh hi, diswrewgh hi, bys dh'y selyow.’

Salmow 29:10

An Arloedh a esedh yn y se war an liv; ha'n Arloedh a esedh avel Myghtern bys vykken.

Salmow 36:6

Dha ewnder yw kepar ha menydhyow Duw, dha vreusow yw kepar ha'n downder meur. Ty, A Arloedh, a selow den hag enyval.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 15:10

Ty a hwythas gans dha wyns, an mor a's kudhas; i a sedhis avel plomm y'n dowrow bras.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Lavarow Koth 25:23

Gwyns an gledhbarth a dhre glaw, ha taves spitus a dhre semlans serrys.

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Yeremia 50:38

Syghor erbynn hy dowrow, may fons desyghys! Rag yth yw tir a imajys gravys, hag i yw foll yn aga idolyow.

Amos 8:7

An Arloedh re dos re woeth Yakob: Yn sur, nevra ny ankovav travyth a'ga gweythresow!

Yona 4:11

Ytho a ny gemmerav vy truedh a Nineve, an sita vras, mayth eus ynni moy es hwegh-ugens mil dhen na wodhons dissernya ynter aga leuv dhyghow ha'ga leuv gledh, ha myns meur a warthek?’

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Zekaria 10:11

I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.

Niverow 10:9

Ha pan ewgh dhe vresel war agas tir erbynn an eskar a wra agas beghya, hwi a wra hwytha gwarnyans gans an hirgern, may fowgh kovhes a-rag an Arloedh agas Duw, hag yndellma hwi a vydh sawys a'gas eskerens.

Niverow 22:32

Hag el an Arloedh a leveris dhodho, ‘Prag y hwesksys dha asen an teyr gweyth ma? Otta, my re dheuth yn-mes dhe'th enebi, rag dha fordh yw gorth a-ragov;

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.

Diskwedhyans 18:5

Rag hy feghosow re beu gorrys yn bern bys yn nev, ha Duw re borthas kov a'y drogoberow.

1 Samuel 1:19

Myttin a-varr i a sevis ha gordhya a-dherag an Arloedh, hag ena i a dhehwelis dh'aga chi dhe Rama. Hag Elkana a aswonnis y wreg, ha'n Arloedh a borthas kov anedhi.