Jenesis 7:4 - An Bibel Kernewek 20234 (Kernewek Kemmyn)

⁴ Rag wosa seyth dydh my a wra glaw dhe goedha war an nor dew-ugens dydh ha dew-ugens nos ha pup-tra yn few re wrug vy gwruthyl, y fynnav y dhefendya dhe-ves dhiworth enep an nor.’

Jenesis 7:4 Iomraidhean Croise

Jenesis 2:5

Pan nag esa hwath prysk an gwel y'n dor, ha pan na devis hwath losow an gwel, rag ny wrussa an Arloedh Duw gasa glaw dhe goedha war an norvys, ha nyns esa den dhe wonedha an dor,

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

Jenesis 6:3

Hag yn-medh an Arloedh, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

Jenesis 7:10

Ha wosa seyth dydh yth esa dowr an liv war an nor.

Jenesis 7:12

Hag yth esa an glaw war an nor dew-ugens dydh ha dew-ugens nos.

Jenesis 7:17

Yth esa an liv dew-ugens dydh war an nor, ha'n dowrow a veu moghhes, hag i a dhrehevis an gorhel, hag y sevis a-dhiwar an tir.

Jenesis 7:3

hag a ydhyn an ayr, yn bagasow a seyth, gorow ha benow dhe witha has yn few war enep oll an nor.

Jenesis 8:10

Ev a wortas hwath seyth dydh moy. Hag arta ev a dhannvonas an golomm mes a'n gorhel

Jenesis 8:12

Hag ev a wortas hwath seyth dydh moy ha dannvon an golomm yn-mes; ha ny dhehwelis dhodho arta.

Jenesis 8:2

Fentynyow an downder ha fenestri nev a veu stoppyes, ha'n glaw dhiworth nev a veu lettys;

Job 22:16

Kibys vons kyns aga thermyn, aga selyow skubys dhe-ves gans liv.

Job 28:25

Pan ros ev dhe'n gwyns y boester, ha kevrenna an dowrow gans musur;

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Yeremia 28:16

Ytho yndellma y lever an Arloedh: My a'th tewl a-dhiworth enep an nor. An vlydhen ma ty a verow, drefenn ty dhe dhyski rebellyans erbynn an Arloedh.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.