Jenesis 7:11 - An Bibel Kernewek 20234 (Kernewek Kemmyn)

¹¹ Yn hwegh kansves blydhen bewnans Noy, y'n nessa mis, yn seytegves dydh an mis, an keth jydh na y feu oll fentynyow an downder meur terrys igor, ha fenestri nev a veu igerys.

Jenesis 7:11 Iomraidhean Croise

Jenesis 1:7

Ha Duw a wrug an fyrmament ha gul dibarth ynter an dowrow esa yn-dann an fyrmament ha'n dowrow esa a-ugh an fyrmament. Hag y feu yndella.

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

Jenesis 7:6

Noy o hwegh kans bloedh pan dheuth an liv a dhowr war an nor.

Jenesis 8:14

Hag y'n nessa mis, yn seythves dydh warn ugens an mis, sygh o an nor.

Jenesis 8:2

Fentynyow an downder ha fenestri nev a veu stoppyes, ha'n glaw dhiworth nev a veu lettys;

2 Myghternedh 7:19

an kapten a worthybis dhe wour Duw, ha leverel, ‘Otta, mar kwrella an Arloedh fenestri y'n nev, ny allsa hemma bos.’ Hag ev a leveris, ‘Otta, ty a wra y weles gans dha dhewlagas dha honan, mes ny wredh dybri a-dhiworto.’

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Job 12:15

Mar skon ev an dowrow, i a sygh; mar kwra ev aga dyllo, i a fenn an tir.

Job 28:4

Pell dhiworth annedhow tus ev a iger shafta, yn tylleryow ankevys gans troes den; pell dhiworth tus i a greg ha leska.

Job 38:16

‘A entersys bys yn fentynyow an mor, po kerdhes yn downder an mor?

Job 38:37

Piw a'n jeves an furneth rag nivera an kommolennow, po piw a yll domhweles sethow dowr an nevow,

Salmow 33:7

Ev a guntellas dowrow an mor war-barth yn graghell; ev a worr an downderyow yn gwithvaow.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Lavarow Koth 3:20

der y skentoleth an downvoryow a dardhas yn-mes, ha'n kommolennow a dhinwa gluth.

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Ysay 24:19

An norvys yw dralys glan, an norvys yw folsys kwit, an norvys yw shakys yn harow.

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yeremia 51:16

Pan dhrehav y lev yma tervans dowrow y'n nevow, hag ev a wra niwl dhe sevel a-dhiworth pennow an nor. Ev a wra lughes gans an glaw, hag ev a dhre gwyns yn-mes a'y dresoryow.

Ezekiel 26:19

Rag yndellma y lever an Arloedh Duw: Pan y'th wrav sita wastys avel sitys nag yw annedhys, pan dhrov yn-bann warnas an downder, ha'n dowrow meur a'th kudh,

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Matthew 24:38

Rag kepar dell esens, y'n dydhyow na kyns an liv, ow tybri hag owth eva, ow temmedhi hag ow ri yn demmedhyans, bys y'n jydh mayth eth Noy a-ji dhe'n gorhel,

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

2 Peder 3:6

dredha an bys a'n termyn na a veu beudhys gans dowr ha distruys.