Jenesis 7:1 - An Bibel Kernewek 20234 (Kernewek Kemmyn)

¹ Ena yn-medh an Arloedh dhe Noy, ‘Ty hag oll mayni dha ji, dewgh a-bervedh y'n gorhel, rag my re welas dha vos gwiryon dheragov y'n henedh ma.

Jenesis 7:1 Iomraidhean Croise

Jenesis 6:18

Mes genes jy my a wra fastya ow hevambos; ha ty a wra dos a-bervedh y'n gorhel, ty ha'th vebyon ha'th wreg ha gwragedh dha vebyon genes jy.

Jenesis 6:9

An re ma yw henedhow Noy. Noy o gour gwiryon ha perfydh yn y dermyn hag yth esa Noy ow kerdhes gans Duw.

Jenesis 7:13

Y'n keth jydh na y teuth Noy ha Shem ha Ham ha Yafeth, mebyon Noy, ha gwreg Noy ha gansa teyr gwreg y vebyon a-ji dhe'n gorhel.

Jenesis 7:7

Ha Noy eth a-bervedh, y vebyon, ha'y wreg, ha gwragedh y vebyon ganso a-bervedh y'n gorhel, drefenn dowr an liv.

2 Samuel 22:24

Yth en vy divlam a-dheragdho, ha my a omwithas dhiworth ow hammweyth.

Lavarow Koth 10:9

Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Lavarow Koth 14:26

Yn own an Arloedh y kevir fydhyans krev, ha'y fleghes a's tevydh skovva.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 17:26

Ha kepar dell veu yn dydhyow Noy, yn kettella y fydh ynwedh yn dydhyow Mab an den;

Oberow 2:39

Rag yma'n dedhewadyow dhywgh hwi ha dh'agas fleghes ha dhe'n re usi pell, myns a alwo an Arloedh agan Duw dhodho.’

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

1 Peder 3:20

a veu diwostydh kyns, pan esa hirwodhevyans Duw ow kortos yn dydhyow Noy, ha'n gorhel ow pos pareusys, may feu sawys niver byghan, henn yw eth enev, dre dhowr.