Jenesis 6:6 - An Bibel Kernewek 20234 (Kernewek Kemmyn)

⁶ Ha'n Arloedh a repentyas ev dhe wul mab-den war an nor, ha grevys veu yn y golonn.

Jenesis 6:6 Iomraidhean Croise

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

1 Kroniklys 21:15

Duw a dhannvonas el dhe Yerusalem dh'y distrui; mes pan o ev parys dh'y distrui, an Arloedh a welas, hag ev a'n jevo edrek a'n drog, hag ev a leveris dhe'n el esa ow tistrui, ‘Henn yw lowr, lemmyn lows dha leuv.’ Yth esa el an Arloedh ow sevel ryb leur-drushya Ornan an Yebusyas.

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Salmow 110:4

An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

Salmow 119:158

My a welas an re dhislen, ha keudh a'm beu, rag ny synsons dha lavar.

Salmow 78:40

Ass wrussons i sevel lieskweyth er y bynn y'n difeyth ha grevya dhodho y'n gwylvos!

Salmow 81:13

Unnweyth a koslowa ow fobel orthiv, hag Ysrael kerdhes yn ow fordhow vy!

Salmow 95:10

Dewgens blydhen my a dhivlasas an henedh na ha my a leveris, ‘Hemm yw pobel a wander yn sowdhan yn aga holonn, ha ny aswonnons ow fordhow.’

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Yeremia 18:7

Dhe unn prys my a gews a genedhel, hag a wlaskor, dh'y diwreydhya, dh'y therri dhe'n dor, ha dh'y distrui;

Yeremia 26:19

A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Romanyon 11:29

Rag antreylyadow yw rohow ha galow Duw.

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

Dewteronomi 32:29

Unnweyth a pens fur ha konvedhes hemma, ha dissernya aga fin!

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Dewteronomi 5:29

Unnweyth a pe dhedha kolonn a'n par ma, dhe berthi own ahanav vy, ha dhe witha oll ow gorhemmynnow pup-prys, rag may fo yn ta dhedha ha dh'aga mebyon bys vykken!

Ebrowyon 3:10

Yndella, serrys en gans an henedh ma, hag y leveris, “Pup-prys yth ons yn stray yn aga holonn; ny aswonnsons ow fordhow vy.”

Ebrowyon 3:17

Ha piw gansa y feu serrys dew-ugens blydhen? A nyns o gans an re a beghas, ha'ga horfow koedhys y'n gwylvos?

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 15:29

Hag ynwedh, ny wra Splannder Ysrael naneyl toella na treylya y vrys.’

1 Samuel 15:35

Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.