Jenesis 6:4 - An Bibel Kernewek 20234 (Kernewek Kemmyn)

⁴ Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

Jenesis 6:4 Iomraidhean Croise

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Niverow 13:33

Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Niverow 16:2

hag i a sevis a-rag Moyses gans niver a vebyon Ysrael, dew kans ha hanter-kans hembrenkyas a'n gemmynieth, dewisys a'n kuntelles, gerys-da;

Dewteronomi 2:11

Ynwedh i o tybys dhe vos Refaim, kepar ha'n Anakim, mes an Moabysi a's henwis Emim.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

1 Samuel 17:4

Hag y teuth yn-mes a gamp an Filistysi kampyer, ha'y hanow Goliath a Gath, neb o hwegh kevelin ha dornva yn ughelder.