Jenesis 6:13 - An Bibel Kernewek 20234 (Kernewek Kemmyn)

¹³ Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

Jenesis 6:13 Iomraidhean Croise

Jenesis 49:5

‘Breder yw Simeon ha Levi. Arvow garowder yw aga hellylli.

Jenesis 6:14

‘Gwra dhis gorhel a brenn gofer. Ty a wra roumys y'n gorhel ha'y ura stanch a-ves hag a-ji gans pyg.

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

Jenesis 7:21

Hag y ferwis pub kig ow kwaya war an nor, ydhyn, chatel, best, pub kreatur owth hesya war an dor, ha pub den;

Jenesis 7:23

Ha pub tra vew war enep an dor a veu defendys dhe-ves, mab-den, bestes, pryves hag ydhyn nev, ha defendys vons dhe-ves dhiworth an nor, ha ny veu gesys yn few marnas Noy ha'n re esa ganso y'n gorhel.

Jenesis 7:4

Rag wosa seyth dydh my a wra glaw dhe goedha war an nor dew-ugens dydh ha dew-ugens nos ha pup-tra yn few re wrug vy gwruthyl, y fynnav y dhefendya dhe-ves dhiworth enep an nor.’

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Ysay 34:1

Dewgh nes, hwi genedhlow, dhe glewes, ha hwi boblow, goslowewgh; klewes an nor ha pup-tra eus ynno, an norvys hag oll y askorr.

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.