Jenesis 6:11 - An Bibel Kernewek 20234 (Kernewek Kemmyn)

¹¹ An nor ynwedh o legrys a-rag Duw, ha lenwys o an nor a arowder.

Jenesis 6:11 Iomraidhean Croise

Jenesis 10:9

Ev a veu helghor galloesek dherag an Arloedh; rakhenna yth yw leverys, ‘Poran kepar ha Nimrod, helghor galloesek dherag an Arloedh.’

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Jenesis 6:10

Ha Noy a dhineythis tri mab, Shem, Ham ha Yafeth.

Jenesis 7:1

Ena yn-medh an Arloedh dhe Noy, ‘Ty hag oll mayni dha ji, dewgh a-bervedh y'n gorhel, rag my re welas dha vos gwiryon dheragov y'n henedh ma.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Salmow 11:5

An Arloedh a brev an den gwiryon ha'n tebelwas, ha'y enev a gas an den a gar garowder.

Salmow 140:11

Na vedhes fastys y'n tir an gour a gews sklander; gwres droktra helghya an gour garow dhe derroes.’

Salmow 55:9

Distru, A Arloedh, ha fols aga thavosow; rag my re welas garowder ha strif y'n sita.

Eksodus 32:7

Ha'n Arloedh a leveris dhe Moyses, ‘Diyskynn; rag dha bobel, hag a dhresys yn-mes a bow Ejyp, re omdhefolas;

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Ezekiel 28:16

Yn lanwes dha genwerth i a lenwis an kres ahanas gans garowder, ha ty a beghas. Ytho my a'th tewlis avel tra ansans dhiworth menydh Duw, ha'n cherub esa ow kwitha a'th chasyas yn-mes dhiworth kres an meyn a dan.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Habakkuk 1:2

Pes termyn, A Arloedh, y kriav rag gweres ha ny vynnydh goslowes; ‘Freudh!’ a armav dhis ha ny vynnydh sawya?

Habakkuk 2:17

Rag garowder erbynn Lebanon a'th kudh, ha ladhva an bestes a'th ownekha, drefenn goes mab-den, ha garowder erbynn tiryow, erbynn sitys, ha myns eus trigys ynna.

Habakkuk 2:8

Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Romanyon 2:13

Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.