Jenesis 50:10 - An Bibel Kernewek 20234 (Kernewek Kemmyn)

¹⁰ Hag i a dheuth dhe leur-drushya Atad usi dres an Yordan, hag ena i a gynis gans kynvann bras ha pur boes; hag ev a wrug kynvann rag y das seyth dydh.

Jenesis 50:10 Iomraidhean Croise

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 50:11

Ha trigoryon an pow, an Kananysi, a welas an kynvann orth leur-drushya Atad ha leverel, ‘Kynvann ankensi yw hemma dhe'n Ejyptianys.’ Rakhenna y hanow a veu gelwys, Abel-misraym, usi dres an Yordan.

Jenesis 50:3

Hag i a gollenwis dew-ugens dydh ragdho, rag yndella yw kollenwys dydhyow an uras; ha'n Ejyptianys a oelas ragdho deg dydh ha tri-ugens.

Jenesis 50:4

Pan veu tremenys dydhyow y oelva, Yosep a gewsis orth mayni Faro, ow leverel, ‘Mar kwrug vy kavoes gras yn agas golok, kewsewgh, my a'gas pys, yn diwskovarn Faro, ow leverel,

Jenesis 50:9

Hag yth eth yn-bann ganso ynwedh charettow ha marghogyon; lu pur vras ova.

2 Samuel 1:17

Ha Davydh a gynis gans an kynvann ma war Sowl ha war y vab Yonathan.

2 Samuel 11:26

Pan glewas gwreg Uria bos hy gour marow, hi a gynis rag hy gour.

1 Kroniklys 10:12

pub gour kolonnek a sevis, ha kemmeres dhe-ves korf Sowl ha korfow y vebyon ha'ga dri dhe Yabesh. I a ynkleudhyas aga eskern yn-dann an derebinthenn yn Yabesh, hag gul penys seyth dydh.

Job 2:13

I a esedhas ganso war an dor seyth dydh ha seyth nos, ha denvyth ny leveris ger dhodho, rag i a welas bos y wodhevyans pur vras.

Ekklesiastes 12:5

hag ynwedh i a berth own a'n dra yw ughel hag a beryllow y'n fordh; ha'n alamandwydhenn a vleujyow, ha'n kulyek-reden a dheu ha bos syger, ha frut an kaper a gyll y nerth; pan vydh den ow mos dh'y ji heb diwedh, ha'n gynoryon a wra mos a-derdro y'n stret;

Niverow 19:11

Ev neb a doch an korf marow a dhen pynag a vydh avlan seyth dydh;

Niverow 20:29

Ha pan welas an kuntelles oll bos Aron tremenys, oll chi Ysrael a oelas rag Aron deg dydh warn ugens.

Oberow 8:2

Gwer gryjyk a ynkleudhyas Stefan ha gul dresto oelva veur.

Dewteronomi 1:1

An re ma yw an geryow a gewsis Moyses dhe oll Ysrael dres an Yordan y'n gwylvos, y'n Araba, a-dal Suf, yntra Paran ha Tofel, Laban, Haserot ha Di-zahab.

Dewteronomi 34:8

Mebyon Ysrael a oelas rag Moyses yn plenys Moab deg dydh warn ugens; ena an dydhyow a oelva ha kynvann rag Moyses a veu kowlwrys.

1 Samuel 31:13

Hag i a gemmeras aga eskern ha'ga ynkleudhyas yn-dann an damariskenn yn Yabesh, ha penys seyth dydh.