Jenesis 5:2 - An Bibel Kernewek 20234 (Kernewek Kemmyn)

² Gorow ha benow ev a's gwrug ha'ga benniga ha gelwel aga henwyn ‘Den’ y'n jydh may fons i formys.

Jenesis 5:2 Iomraidhean Croise

Jenesis 1:27

Ytho Duw a formyas den war-lergh y imaj; war-lergh imaj Duw ev a'n formyas, gorow ha benow y hwrug ev aga formya.

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 2:15

Ha'n Arloedh Duw a gemmeras an den ha'y worra a-berth yn lowarth Eden dh'y wonedha ha dh'y witha.

Jenesis 2:23

Hag yn-medh Adam, ‘Homma wortiwedh yw askorn a'm eskern vy, ha kig a'm kig vy. Hi a vydh henwys Gwreg, rag hy bos kemmerys mes a wour.’

Jenesis 5:3

Adam a vewas deg bloedh ha hwegh-ugens, ha dineythi mab yn y hevelep, war-lergh y imaj ev, ha gelwel y hanow Seth.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Matthew 19:4

Hag ev a worthybis ow leverel, ‘A ny wrussowgh redya, neb a's formyas y'n dalleth “dh'aga gul gorreydh ha benynreydh”?

Mark 10:6

Mes dhiworth dalleth an kreasyon “Duw a's gwrug gorreydh ha benynreydh.”

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,