Jenesis 49:8 - An Bibel Kernewek 20234 (Kernewek Kemmyn)

⁸ ‘Yuda, dha vreder a wra dha wormel. Yma dha leuv war gilbenn dha eskerens. Mebyon dha das a ombleg dhiso.

Jenesis 49:8 Iomraidhean Croise

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 29:35

Ha hi a gonsevyas arta ha dineythi mab ha leverel, ‘An weyth ma, my a wormel an Arloedh.’ Rag henna hi a elwis y hanow Yuda; ha hi a astelas dineythi.

Jenesis 42:6

Lemmyn Yosep o governour war an pow. Ev o neb esa ow kwertha ys dhe oll pobel an pow; ha breder Yosep a dheuth hag omblegya dheragdho, aga fasow dhe'n leur.

Jenesis 46:12

Mebyon Yuda: Er, Onan, Shela, Peres, ha Zeragh; mes Er hag Onan a verwis yn pow Kanan. Mebyon Peres o Hesron ha Hamul.

2 Samuel 22:41

Ty re ros dhymm gwarrow ow eskerens, may hallen vy distrui an re a'm kas.

2 Samuel 24:9

Ha Yoab a dherivas niver an bobel dhe'n myghtern: hag yth esa yn Ysrael neb eth kans mil wour krev a ylli handla an kledha; hag yn Yuda yth esa pymp kans mil wour.

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Kroniklys 28:4

Byttegyns an Arloedh, Duw Ysrael, a'm dewisas dhiworth oll chi ow thas dhe vos myghtern war Ysrael bys vykken; rag ev a dhewisas Yuda avel rewler, hag yn chi Yuda chi ow thas, hag y feu plegadow dhodho dhiworth mebyon ow thas dhe wul dhymm bos myghtern war oll Ysrael.

1 Kroniklys 5:2

Yuda o krev yn mysk y vroder ha rewler a dheuth anodho, mes yth esa dhe Yosep an gwir genesik.)

2 Kroniklys 14:8

Asa a'n jevo lu a dri hans mil a Yuda, ervys gans skoesow ha guwow, ha dew kans, peswar-ugens a vilyow a gasoryon a Benyamin, ervys gans skoesow ha guwow. Oll a'n re ma o kasoryon grev.

2 Kroniklys 15:9

Ev a guntellas oll Yuda ha Benyamin, ha'n tus a Efraym, Manasse, ha Simeon esa trigys gansa avel alyons, rag lies re gilfisa dhodho dhiworth Ysrael pan wodhyens bos an Arloedh y Dhuw ganso.

2 Kroniklys 17:2

Ev a worras kasoryon yn oll an sitys kerys a Yuda hag a worras savleow-gwithysi yn pow Yuda hag y'n sitys a Efraym re beu kemmerys gans y das Asa.

2 Kroniklys 30:11

Byttegyns yth esa gwer a Asher, Manasse ha Zebulun a omuvelhas hag a dheuth dhe Yerusalem.

Salmow 76:1

Aswonnys yw Duw yn Yuda, meur yw y hanow yn Ysrael.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Ezekiel 21:29

Dha welesigethow yw fals ha 'th tewinieth yw gowek dh'y settya war gonnaow an debeles ansans; aga dydh re dheuth, termyn an kessydhyans diwettha.

Niverow 1:27

an re niverys a loeth Yuda o peswardhek ha tri-ugens a vilyow, hwegh kans.

Niverow 10:14

Baner kamp mebyon Yuda eth yn-kerdh yn kynsa herwydh aga luyow; ha war aga lu yth esa Nahshon mab Amminadab.

Niverow 26:20

Ha mebyon Yuda herwydh aga theyluyow: a Shela, teylu an Shelanysi; a Peres, teylu an Peresysi; a Zeragh, teylu an Zeraghysi.

Niverow 26:22

An re ma yw teyluyow Yuda herwydh aga niver, hwetek ha tri-ugens a vilyow, pymp kans.

Dewteronomi 33:7

Homm yw an vennath rag Yuda; hag y leveris: Klew, Arloedh, lev Yuda, ha dro ev dh'y bobel. Gans y dhiwleuv ev a strivyas ragdho y honan. Bydh gweres erbynn y eskerens.

Ebrowyon 10:13

ow kortos ena ‘erna vo gorrys y eskerens avel skavell yn-dann y dreys.’

Ebrowyon 7:14

Rag pur gler yw y sevis agan Arloedh a Yuda hag a'n loeth na ny leveris Moyses travyth a-dro dhe oferysi.

Yoshua 10:24

Pan dhrosons yn-mes an vyghternedh ma dhe Yoshua, Yoshua a elwis oll gwer Ysrael ha leverel dhe gaslewydhyon an soudoryon eth ganso, ‘Dewgh nes, gorrewgh agas treys war gonnaow an vyghternedh ma.’ I a dheuth nes ha gorra aga threys war aga honnaow.

Yoshua 15:20

Hemm yw eretons loeth mebyon Yuda war-lergh aga theyluyow.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 5:5

Hag onan a'n henavogyon a leveris dhymm, ‘Na wra oela. Otta, lew loeth Yuda, Gwreydhenn Davydh, re fethas dhe igeri an rol ha'y seyth sel.’

Breusysi 20:18

An Ysraelysi a dhallathas mos yn-bann dhe Bethel, may hwovynnsons a Dhuw, ‘Piw ahanan a yn-bann yn kynsa rag batalyas orth an Benyaminysi?’ Ha'n Arloedh a worthybis, ‘Yuda a yn-bann yn kynsa.’